ନୂଆଦିଲ୍ଲୀ,୧୧ ।୧: ଭାରତୀୟ ସେନା ପୂର୍ବ ଲଦ୍ଦାଖରେ ଶୁକ୍ରବାର ଧରାପଡିଥିବା ‘ପିପଲ୍ସ ଲିବରେଶନ ଆର୍ମି’(ପିଏଲ୍ଏ) ସେନାଙ୍କୁ ସୋମବାର ଚାଇନାକୁ ଫେରାଇ ଦେଇଛି । ସେନା ଅଧିକାରୀଙ୍କ ପକ୍ଷରୁ ଏହି ସୂଚନା ଦିଆଯାଇଛି । ଚାଇନା ସେନା ୮ ଜାନୁୟାରୀରେ ପ୍ରକୃତ ନିୟନ୍ତ୍ରଣ ରେଖା(ଏଲ୍ଏସି) ପାର କରି ଭାରତ ସୀମାକୁ ପ୍ରବେଶ କରିଥିଲେ । ମିଳିଥିବା ସୂଚନା ଅନୁଯାୟୀ, ଭାରତୀୟ ସେନା ପୂର୍ବ ଲଦ୍ଦାଖରେ ଚୁଲୁଶ-ମାଲଡୋ ସୀମାରେ ପିଏଲ୍ଏ ସେନାଙ୍କୁ ସୋମବାର ସକାଳ ପ୍ରାୟ ୧୦ଟାରେ ଚାଇନାକୁ ଫେରାଇ ଦେଇଥିଲେ । ଦୀର୍ଘ ଆଠମାସ ହେବ ଲଦ୍ଦାଖ ସୀମାରେ ଦୁଇ ଦେଶର ସେନାଙ୍କ ମଧ୍ୟରେ ତୁତୁମେମେ ଚାଲିଥିଲେ ବି ଭାରତୀୟ ସେନା ଏହି ସମୟରେ ଚାଇନା ସେନାଙ୍କୁ ଫେରାଇ ଦେଇଥିବା ଆଲୋଚନା ହୋଇଛି । ସୂଚନାଯୋଗ୍ୟ, ଚାଇନା ସେନା ଭାରତୀୟ ସୀମାରେ ପ୍ରବେଶ କରିବା ବେଳେ ଧରାପଡିବାରୁ କହିଥିଲେ କି ସେ ବାଟ ଭୁଲି ଚାଲି ଆସିଛନ୍ତି ।