ଚାଇନା ପାଓ୍ବାର ଗିୟର ଆମଦାନୀ ହେବନି
10:08 pmJuly 4, 2020 / 99

ନୂଆଦିଲ୍ଲୀ,୪।୭: ଭାରତ ଚାଇନାରୁ ଏଣିକି ପାଓ୍ବାର ଗିୟର ଆମଦାନୀ କରିବ ନାହିଁ। କେନ୍ଦ୍ର ସରକାର ଏ ନେଇ କଟକଣା ଲଗାଇଛନ୍ତି। ସୀମାରେ ୨୦ ଭାରତୀୟ ଯବାନ ଶହୀଦ ହେବା ପରେ ଚାଇନା ଆମଦାନୀ ଉପରେ ଭାରତ ବର୍ତ୍ତମାନ ବିଭିନ୍ନ କଟକଣା ଲଗାଉଛି। ପାଓ୍ବାର ସପ୍ଲାଇ ସିଷ୍ଟମ ଆଣ୍ଡ ନେଟ୍‌ଓ୍ବର୍କ ଆମଦାନୀ ଉପରେ କଟକଣା ଲଗାଇବା ଲାଗି କେନ୍ଦ୍ର ଶକ୍ତି ମନ୍ତ୍ରଣାଳୟ ଶନିବାର ଘୋଷଣା କରିଛି। ନିରାପତ୍ତା ଏବଂ ସାଇବର ଅପରାଧକୁ ଧ୍ୟାନରେ ରଖି ସରକାର ଏଭଳି ପଦକ୍ଷେପ ଗ୍ରହଣ କରିଛନ୍ତି। ଚାଇନା କିମ୍ବା ପାକିସ୍ତାନରୁ ଏଭଳି ସାମଗ୍ରୀ ଆମଦାନୀ କରିବା ଲାଗି ସରକାରଙ୍କଠାରୁ ନିଶ୍ଚିତ ପକ୍ଷେ ଅନୁମତି ନେବାକୁ ପଡିବ ବୋଲି ଜଣାପଡିଛି।