ଚେନ୍ନାଇ, ୩୦।୫: ଠିକ୍ ୭ ବର୍ଷ ତଳେ ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ବ୍ୟାଟ୍ସମ୍ୟାନ ତଥା ଚିନା ଥାଲା ଭାବେ ଜଣାଶୁଣା ସୁରେଶ ରାଇନା ଖେଳିଥିଲେ ଆଇପିଏଲ କ୍ୟାରିୟରର ସ୍ମରଣୀୟ ଇନିଂସ। ଏହାକୁ ମନେ ପକାଇ ଦେଇଛି ସିଏସ୍କେ ପକ୍ଷରୁ କରାଯାଇଥିବା ଟୁଇଟ୍।
୨୦୧୪ ଆଇପିଏଲର ଦ୍ୱିତୀୟ କ୍ୱାଲିଫାୟର୍ସରେ ସିଏସ୍କେ ଆଗରେ ୨୨୬ ରନ୍ର ବିଶାଳ ଟାର୍ଗେଟ ଛିଡ଼ା କରିଥିଲା କିଙ୍ଗ୍ସ ଏକାଦଶ ପଞ୍ଜାବ (କେଏକ୍ସଆଇପି)। ବୀରେନ୍ଦ୍ର ସେହ୍ବାଗ ୫୮ ବଲରେ ଖେଳିଥିଲେ ୧୨୨ ରନ୍ର ବିସ୍ଫୋରକ ଇନିଂସ। ତାଙ୍କ ପାଳିରେ ସାମିଲ ଥିଲା ୧୨ ଚୌକା ଓ ୮ ଛକା।
ବିଶାଳ ଟାର୍ଗେଟର ପିଛା କରୁଥିବା ସିଏସ୍କେ ପ୍ରଥମ ଓଭରର ଦ୍ୱିତୀୟ ବଲରେ ହରାଇଥିଲା ଫାଫ୍ ଡୁ’ପ୍ଲେସିଙ୍କ ଉଇକେଟ। ୩ ନଂ କ୍ରମରେ ବ୍ୟାଟିଂ ଆସିଥିବା ରାଇନା ପ୍ରଥମ ବଲରୁ ଆରମ୍ଭ କରି ଦେଇଥିଲେ ଆକ୍ରମଣ। ପଞ୍ଜାବର କୌଣସି ବୋଲରଙ୍କୁ ଛାଡ଼ି ନ ଥିଲେ ଚିନା ଥାଲା। ପାଓ୍ବର ପ୍ଲେ ଶେଷ ହେଲା ବେଳକୁ ସିଏସ୍କେକୁ ୧୦୦ ରନ୍ରେ ପହଞ୍ଚି ସାରିଥିଲା । କିନ୍ତୁ ଦୁର୍ଭାଗ୍ୟବଶତଃ ସପ୍ତମ ଓଭରରେ ରନଆଉଟ୍ ହୋଇ ପ୍ୟାଭିଲିଅନକୁ ଫେରିଥିଲେ। ଆଉ ଦଳ ପରାଜୟ ସହ ଆଇପିଏଲ ଫାଇନାଲରୁ ବାଦ୍ ପଡ଼ିଥିଲା। ରାଇନା ମାତ୍ର ୨୫ ବଲରେ ଖେଳିଥିଲେ ୮୭ ରନ୍ର ଦର୍ଶନୀୟ ପାଳି। ଏଥିରେ ସାମିଲ ଥିଲା ୧୨ ଚୌକା ଓ ୬ ଛକା।