ଚଣ୍ଡିଗଡ଼,୧୨ ।୪: ଭାରତୀୟ ବାୟୁସେନାର ଚିନୁକ ହେଲିକପ୍ଟର ଅସମ୍ଭକୁ ସମ୍ଭବ କରି ଦେଖାଇଛି । ହେଲିକପ୍ଟର ତା’ର କ୍ଷମତାକୁ ପୁଣିଥରେ ପ୍ରମାଣ କରି ଦେଖାଇଛି । ଚିନୁକ ହେଲିକପ୍ଟର ଚଣ୍ଡିଗଡ଼ରୁ ଆସାମର ଜୋରାହଟ ପର୍ଯ୍ୟନ୍ତ ଉଡିଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଚିନୁକ ନନଷ୍ଟପ ଏହି ପଥ ଅତିକ୍ରମ କରିଛି । ଲଗାତାର ୭ଘଣ୍ଟା ୩୦ ମିନିଟ ସମୟ ମଧ୍ୟରେ ଚିନୁକ ୧୯୧୦ କିଲୋମିଟର ଅତିକ୍ରମ କରିଛି । ଦେଶର ପ୍ରଥମ ହେଲିକପ୍ଟର ଭାବେ ପ୍ରଥମ ଥର ଚିନୁକ ଏହା କରି ଦେଖାଇଛି ଅର୍ଥାତ୍ ଏକାଥରେ ସବୁଠାରୁ ଅଧିକ ଦୂରତା ଅତିକ୍ରମ କରିଛି । ସୂଚନାଯୋଗ୍ୟ, ଭାରତ ଚିନୁକ ହେଲିକପ୍ଟର ଆମେରିକାଠାରୁ କ୍ରୟ କରିଛି । ଦେଶରେ ଏବେ ୧୫ଟି ଚିନୁକ ହେଲିକପ୍ଟର ରହିଛି ।