ବାଲେଶ୍ବର ଅଫିସ,୨୭।୧୨: ବାଲେଶ୍ବର ଜିଲାର ଚିଟ୍ଫଣ୍ଡ ଅଦାଲତରେ ଏକ ମାମଲାର ବିଚାର କରି ବିଛାରପତି ବିଶ୍ବଜିତ ଦାଶ ୨ ଜଣ ଅଭିଯୁକ୍ତଙ୍କୁ ୭ବର୍ଷ ଲେଖାଏ ଜେଲ୍ ଦଣ୍ଡାଦେଶ ଶୁଣାଇଛନ୍ତି। ଏହାସହ ଅନ୍ୟ ଦୁଇଜଣ ଅଭିଯୁକ୍ତଙ୍କୁ ମଧ୍ୟ ୩ ବର୍ଷ ଦଣ୍ଡାଦେଶ କରିଛନ୍ତି। ଏକ ଘରୋଇ କମ୍ପାନୀ ମୟୂରଭଞ୍ଜ ଜିଲାର ବାରିପଦା ସହରରେ ୨୦୦୯ ମସିହାରୁ ଖୋଲି ବିଭିନ୍ନ ପ୍ରକାରର ଲାଭ ଦାୟକ ସ୍କିମ୍ ମାଧ୍ୟମରେ ଜିଲା ସମେତ ରାଜ୍ୟର ବିଭିନ୍ନ ଜିଲାରୁ ୧୦ ହଜାର ୩୨୭ ଜଣଙ୍କ ଠାରୁ ୨ କୋଟି ୯୩ ଲକ୍ଷ ୫୦ ହଜାର ଅର୍ଥ ଠକେଇ ଅଭିଯୋଗ ହୋଇ ଥିଲା । ଉକ୍ତ ମାମଲାର ବିଚାର କରି ମାନ୍ୟବର ଅଦାଲତ କମ୍ପାନୀର ମୁଖ୍ୟ ପରିଚାଳକ ଭି.ସମ୍ପଦ ଓ ବୋଡ ଅଫ ଡାଇରେକ୍ଟର ବି. ମଲ୍ଲିକାର୍ଜୁନ ରାଜୁଙ୍କୁ ୭ ବର୍ଷ ଜେଲ ଦଣ୍ଡାଦେଶ ସହିତ ୪ ଲକ୍ଷ ୨୧ ହଜାର ଫାଇନ କରିଛନ୍ତି। ସେହିପରି ଅନ୍ୟ ଦୁଇ ସହଯୋଗୀ ସଦାଶିବ ନାୟକ ଓ ତପନ ବାରିକଙ୍କୁ ୩ ବର୍ଷ ଲେଖାଏ ଜେଲ ଦଣ୍ଡ ସହ ୬୦ ହଜାର ଟଙ୍କା ଜରିମାନା କରିଛନ୍ତି।
