ଆପଣମାନେ ବିଭିନ୍ନ ମ୍ୟୁଜିୟମ ସମ୍ପର୍କରେ ଶୁଣିଥିବେ ଆଉ ଦେଖିଥିବେ ମଧ୍ୟ। ମାତ୍ର ଚକୋଲେଟ୍ ମ୍ୟୁଜିୟମ ସମ୍ପର୍କରେ କେବେ ଶୁଣିଛନ୍ତି? ତେବେ ଚକୋଲେଟ୍ ପ୍ରେମୀଙ୍କ ପାଇଁ ଖୁସି ଖବର। ଚକୋଲେଟ୍ର ମଧ୍ୟ ଏକ ମ୍ୟୁଜିୟମ ଖୋଲାଯାଇଛି। ଏହି ଭିନ୍ନ ଧରଣର ମ୍ୟୁଜିୟମ ଚଳିତମାସ ୧୩ ତାରିଖରେ ସୁଇଜରଲ୍ୟାଣ୍ଡର ଜୁରିଚ୍ ସହରରେ ଖୋଲାଯାଇଛି।
୬୫୦୦୦ ବର୍ଗଫୁଟ ବିଶିଷ୍ଟ ପରିମିତ ଜାଗାରେ ଏହି ମ୍ୟୁଜିୟମ ଖୋଲାଯାଇଛି। ଏହାର ନାମ ‘ଲିଣ୍ଟ୍ ହୋମ୍ ଅଫ୍ ଚକୋଲେଟ୍’। ଏହି ମ୍ୟୁଜିୟମ ଭିତରକୁ କଲେ ବିଭିନ୍ନ ପ୍ରକାରର ଚକୋଲେଟ୍ ଦେଖିବାକୁ ପାଇବେ। ୩୦ ଫୁଟ ଉଚ୍ଚର ଏଠାରେ ଏକ ଫାଉଣ୍ଟେନ୍ ମଧ୍ୟ ରହିଛି। ଯାହା ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି। ଏହା ବିଶ୍ୱର ସବୁଠୁ ବଡ଼ ଚକୋଲେଟ୍ ଶପ୍। ଏହାର ଉଦ୍ଘାଟନ ବିଶ୍ୱର ଟେନିସ ଖେଳାଳି ରୋଜର ଫେଡେରର କରିଥିଲେ।
ଜୁରିଚ୍ ସହରକୁ ଚକୋଲେଟ୍ର ରାଜଧାନୀ କୁହାଯାଏ। ଏହା ମଧ୍ୟ କୁହାଯାଏ କି, ସହରରେ ତିଆରି କରାଯାଉଥିବା ଚକୋଲେଟ୍ ସବୁଠୁ ଭଲ କ୍ୱାଲିଟି ଏବଂ ସୁସ୍ବାଦୁ ମଧ୍ୟ। ସୁଇସ୍ ଚକୋଲେଟ୍ ମେକିଙ୍ଗ୍ ଇତିହାସ ଜାଣିବା ପାଇଁ ଏହି ମ୍ୟୁଜିୟମ ବେଶ୍ ସହାୟକ ହେବ।