ନୂଆଦିଲ୍ଲୀ,୨୯।୧୦: ୩୮ବର୍ଷ ପରେ ନିର୍ଦ୍ଦୋଷରେ ଖଲାସ ହେଲେ ଛୋଟା ରାଜନ୍। ତାଙ୍କୁ ମୁମ୍ବାଇର ଏକ ସ୍ବତନ୍ତ୍ର କୋର୍ଟ ଶୁକ୍ରବାର ନିର୍ଦ୍ଦୋଷ ସାବ୍ୟସ୍ତ କରିଛି। ଗ୍ୟାଙ୍ଗଷ୍ଟାର ବିରୋଧରେ ଏହା ହେଉଛି ସର୍ବ ପୁରାତମ ମାମଲା। ଯାହାର ଶୁଣାଣି ଦୀର୍ଘ ସମୟ ଧରି ହୋଇଚାଲିଥିଲା। ତାଙ୍କ ପୁରା ନାମ ହେଉଛି, ରାଜେନ୍ଦ୍ର ସଦାଶିଭ ନିକଲେଜ। ୧୯୮୩ମସିହାରେ ପୋଲିସ ଉପରେ ହୋଇଥିବା ଆକ୍ରମଣରେ ତାଙ୍କୁ ଗିରଫ କରାଯାଇଥିଲା। ଘଟଣା ଅନୁସାରେ, ତିଲକ ନଗର ପୋଲିସ ଷ୍ଟେଶନରେ ଏକ ଟିମ୍ ଟ୍ୟାକ୍ସିରେ ମଦ ବେପାର କରୁଥିବା ସମୟରେ ରାଜନ୍ଙ୍କୁ ଅଟକାଇବାକୁ ଚେଷ୍ଟା କରିଥିଲେ। କିନ୍ତୁ ଛୋଟା ରାଜନ୍ ସେମାନଙ୍କ ଉପରେ ଆକ୍ରମଣ କରିଥିଲେ। ଏହି ଘଟଣାରେ ତାଙ୍କୁ ସାହାଯ୍ୟ କରିଥିବା ସହଯୋଗୀଙ୍କ ମଧ୍ୟରୁ ଜଣେ ଗିରଫ ହୋଇଥିଲେ। ଅନ୍ୟଜଣେ ଖସି ପଳାଇଥିଲେ। ସେ ଜାମିନରେ କୋର୍ଟରୁ ବାହାରକୁ ଯାଇଥିଲେ ମଧ୍ୟ ତାଙ୍କ ନାମରେ ଶୁଣାଣି ଚାଲିଥିଲା।
