ନୂଆଦିଲ୍ଲୀ,୧୨।୧୨: ଇଂଲଣ୍ଡ କ୍ରିକେଟ ଟିମ୍ ସୋମବାର ଭାରତ ଗସ୍ତ ଲାଗି ଦଳ ଘୋଷଣା କରିଛି। ଏହି ଟିମ୍ରେ ଇଂଲଣ୍ଡ ଅନୁଭବୀ ଅଲରାଉଣ୍ଡର କ୍ରିସ୍ ଓ୍ବକ୍ସଙ୍କୁ ସ୍ଥାନ ମିଳିନାହିଁ। ଫଳରେ ସେ ଭାରତ ବିପକ୍ଷ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରୁ ବାଦ୍ ପଡ଼ିଛନ୍ତି। ତେବେ ଏହା ଜାଣିବା ପରେ ଓ୍ବକ୍ସଙ୍କ ପ୍ରତିକ୍ରିୟା ସମସ୍ତଙ୍କ ହୃଦୟ ଜିତିଛି।
ସାଧାରଣତଃ ଦଳରୁ ବାଦ୍ ପଡ଼ିଲେ ଖେଳାଳି ନିରାଶ ହୋଇଥାନ୍ତି। ହେଲେ ଓ୍ବକ୍ସ ଚୟନକର୍ତ୍ତାଙ୍କ ନିଷ୍ପତ୍ତି ଠିକ୍ ବୋଲି କହିଛନ୍ତି। ଭାରତରେ ତାଙ୍କର ରେକର୍ଡ ଭଲ ନ ଥିବାରୁ ସୁଯୋଗ ନ ମିଳିବା ଭଲ ନିଷ୍ପତ୍ତି ବୋଲି ସେ କହିଛନ୍ତି।
ସମସ୍ତ ଖେଳାଳି ଦଳରେ ସ୍ଥାନ ପାଇବାକୁ ଚାହିଁଥାନ୍ତି। ହେଲେ ଟେଷ୍ଟ କ୍ରିକେଟରେ ଭାରତରେ ନୁହେଁ, ବରଂ ଇଂଲଣ୍ଡରେ ହିଁ ଭଲ ପ୍ରଦର୍ଶନ କରିଛନ୍ତି। ଏଣୁ ଚୟନକର୍ତ୍ତାମାନେ ନିଷ୍ପତ୍ତି ନେଇ ଜଣାଇବା ପରେ ସେ ସ୍ବାଗତ କରିଥିବା ସେ କହିଛନ୍ତି।
ପ୍ରକାଶ ଯେ, ଓ୍ବକ୍ସ ଭାରତ ବିପକ୍ଷରେ ୨୦୧୬ରେ ସେ ୩ ଟେଷ୍ଟରେ ମାତ୍ର ୩ ଉଇକେଟ ନେଇଥିଲେ। ଏହି କାରଣରୁ ତାଙ୍କର ଚୟନ କରାଯାଇନାହିଁ।
