ରାୟପୁର,୧୨ ।୯: କରୋନା ପାଇଁ ଏବେ ପ୍ରାୟ ସମସ୍ତ ଶିକ୍ଷାନୁଷ୍ଠାନ ବନ୍ଦ ଥିବା ବେଳେ ପିଲାମାନେ ଅନ୍ଲାଇନରେ ପାଠ ପଢୁଛନ୍ତି । ଏହି ସମୟରେ ପିଲାମାନଙ୍କୁ ସହଜରେ ଶିକ୍ଷା ପ୍ରଦାନ କରିବା ଉଦ୍ଦେଶ୍ୟରେ ଛତିଶଗଡ଼ରେ ସିନେମାବାଲା ବାବୁ ନାଁରେ ପରିଚିତ ଜଣେ ଶିକ୍ଷକ କୋରିୟା ଜିଲାରେ ମୋହଲ୍ଲା କ୍ଲାସ ଆରମ୍ଭ କରିଛନ୍ତି । ତାଙ୍କର ବିଶେଷତା ହେଲା ସେ ତାଙ୍କ ମୋଟର ସାଇକେଲରେ ଟେଲିଭିଜନ ଓ ସ୍ପିକର ସାହାଯ୍ୟରେ ପିଲାମାନଙ୍କୁ ପାଠ ପଢାଉଛନ୍ତି । ଶିକ୍ଷକ ଜଣଙ୍କ ପିଲାମାନଙ୍କୁ ଆକର୍ଷିତ କରିବାକୁ ଏଭଳି ଉପାୟ ଆପଣାଇଥିବା କହିଥିବା ବେଳେ ପିଲାମାନେ ବି ଏଥିରେ ଖୁସିଥିବା ଦେଖାଯାଇଛି ।