ଭୁବନେଶ୍ୱର,୭।୧୦ (ଅଭୟ ଦାଶ): ଦେଶର ପ୍ରମୁଖ ବୈଦ୍ୟୁତିକ ଯାନ (ଇଭି) ତଥା ଫ୍ରେଞ୍ଚ କାର୍ ନିର୍ମାତା ସିଟ୍ରୋନ୍ର ବହୁ ପ୍ରତୀକ୍ଷିତ ସି ୩ ଏୟାରକ୍ରସ୍ ଏସ୍ୟୁଭିର ସର୍ବଭାରତୀୟ ଉନ୍ମୋଚନ ନିକଟରେ ହୋଇଯାଇଛି। ବିଶେଷକରି ନୂଆ ସିଟ୍ରୋନ୍ ସି୩ ଏୟାରକ୍ରସ୍ ଏସ୍ୟୁଭିରେ ୯୦%ରୁ ଅଧିକ ସ୍ଥାନୀୟକରଣ ଏବଂ ଏହାକୁ ଭାରତୀୟ ଉପଭୋକ୍ତାଙ୍କ ସ୍ବତନ୍ତ୍ର ଆବଶ୍ୟକତା ପୂରଣ କରିବା ପାଇଁ ଡିଜାଇନ କରାଯାଇଛି। ଏପରିକି ଏହାର ସମସ୍ତ ଭାରିଆଣ୍ଟ୍ରେ ୧.୨ ଲିଟର ଜେନ୍ ୩ ଟର୍ବୋ ପ୍ୟୋର୍ଟେକ୍୧୧୦ ଇଞ୍ଜିନ୍ (୧୧୦ପିଏସ୍ ପାୱାର, ୧୯୦ଏନ୍ଏମ୍ ଟର୍କ) ଷ୍ଟାଣ୍ଡାର୍ଡ ଫିଚର ଭାବେ ଉପଲବ୍ଧ ରହିଛି। ଏପରିକି ସେଗ୍ମେଣ୍ଟର ସ୍ବତନ୍ତ୍ର ୫+୨ ସିଟ୍ ଫ୍ଲେକ୍ସି-ପ୍ରୋ ଭାରିଆଣ୍ଟ ଅତିରିକ୍ତ ୩୫,୦୦୦ ଟଙ୍କାରେ ଉପଲବ୍ଧ ହେଉଛି। ଅପରପକ୍ଷରେ ସିଟ୍ରୋନ୍ ସି୩ ଏୟାରକ୍ରସ୍ ଏସ୍ୟୁଭିରେ ସିଟ୍ରୋନ୍ ଆଡ୍ଭାନ୍ସଡ୍ କମ୍ଫର୍ଟ ରହିଛି, ଯାହା ବିବିଧ ସଡ଼କ ସ୍ଥିତିରେ ସର୍ବୋତ୍ତମ ଶ୍ରେଣୀର ଚାଳନା, ନିୟନ୍ତ୍ରଣ ଓ ଆରାମ ପ୍ରଦାନ କରୁଛି। ସି୩ ଏୟାରକ୍ରସ୍ ଏସ୍ୟୁଭିରେ ୧୭.୭୮ସେମି ଇଣ୍ଟେଲି-ସ୍ମାର୍ଟ ଟିଏଫ୍ଟି କ୍ଲଷ୍ଟର୍, ୨୬ସେମି ଇନ୍ଫୋଟେନ୍ମେଣ୍ଟ ସ୍କ୍ରିନ୍ ସହ ଓୟାରଲେସ୍ ଆଣ୍ଡ୍ରଏଡ୍ ଅଟୋ ଓ ଆପଲ୍ କାର୍ ପ୍ଲେ, ଇଏସ୍ପି ସହ ଆଡ୍ଭାନ୍ସଡ୍ ଟେକ୍ ସୁଟ୍, ହିଲ୍ ହୋଲ୍ଡ, ଟିପିଏମ୍ଏସ୍ ଓ ଇଞ୍ଜିନ୍ ଷ୍ଟାର୍ଟ/ଷ୍ଟପ୍ ଭଳି ଅନ୍ତର୍ନିହିତକାରୀ ଫିଚର ରହିଛି।
ଏ ସମ୍ପର୍କରେ ଷ୍ଟେଲାଣ୍ଟିସ୍ ଇଣ୍ଡିଆର ସିଇଓ ଓ ପରିଚାଳନା ନିର୍ଦ୍ଦେଶକ ରୋଲାଣ୍ଡ ବୌଚାରା କହିଛନ୍ତି,ଭାରତୀୟ ଗ୍ରାହକଙ୍କ ପାଇଁ ନିର୍ମିତ ଆମର ନୂଆ ସି୩ ଏୟାରକ୍ରସ୍ ଏସ୍ୟୁଭିର ଶୁଭାରମ୍ଭ କରି ଆମେ ବେଶ୍ ଉତ୍ସାହିତ ଅଛୁ। ବିଶେଷକରି ଏହି ଏସ୍ୟୁଭିକୁ ସିଟ୍ରୋନ୍ର ଡିଏନ୍ଏ-ଆରାମ ଓ ଉଦ୍ଭାବନର ପ୍ରମୁଖ ଉପାଦାନ ସହିତ ନିର୍ମାଣ କରାଯାଇଛି। ଏହା ଗତ ସେପ୍ଟେମ୍ବରରେ ବୁକିଂ ଆରମ୍ଭ ହେବା ପରଠାରୁ ଦେଶବ୍ୟାପୀ ଅତ୍ୟଧିକ ସକାରାତ୍ମକ ପ୍ରତିକ୍ରିୟା ହାସଲ କରିଛି। ଆମେ ପାର୍ବଣ ଋତୁର ଚାହିଦାକୁ ପୂରଣ କରିବା ପାଇଁ ଆମର ଉପତ୍ାଦନ ବୃଦ୍ଧି କରିଛୁ।