ନୂଆଦିଲ୍ଲୀ,୧୯ ।୩: ଚିଫ ଜଷ୍ଟିଶ ଅଫ ଇଣ୍ଡିଆ ଡିୱାଇ ଚନ୍ଦ୍ରଚୁଡ କଲେଜିୟମ ସିଷ୍ଟମକୁ ବଞ୍ଚାଇଛନ୍ତି । ସେ ଶନିବାର କଲେଜିୟମ ସିଷ୍ଟମକୁ ନେଇ କହିଛନ୍ତି, କୌଣସି ସିଷ୍ଟମ ସବୁଠାରୁ ଭଲ ନୁହେଁ । ହେଲେ ଆମେ ଯାହା ବିକଶିତ କରିଛୁ ତାହା ଭଲ । ସେ କହିଛନ୍ତି କଲେଜିୟମ ସିଷ୍ଟମ ଏଇଥିପାଇଁ ପ୍ରସ୍ତୁତ କରାଯାଇଥିଲା କି ନ୍ୟାୟପାଳିକାର ସ୍ୱତନ୍ତ୍ରତା ଏକ ମୁଖ୍ୟ ମୂଲ୍ୟ ଓ ନ୍ୟାୟପାଳିକାର ସ୍ୱତନ୍ତ୍ରତା ବଜାୟ ରହିବାକୁ ବାହାର ପ୍ରଭାବରୁ ଦୂରେଇ ରହିବା ।
ଏହାସହ ଇଣ୍ଡିଆ ଟୁଡେ କନକ୍ଲେଭରେ ସିଜେଆଇ ଚନ୍ଦ୍ରଚୁଡ କହିଛନ୍ତି ଯେ କଲେଜିୟମ ସିଷ୍ଟମରେ ଯୋଗ୍ୟତା ହେଉଛି ମୁଖ୍ୟ ପାରାମିଟର, ଯାହା ଆଞ୍ଚଳିକ ତଥା ଉଚ୍ଚ ନ୍ୟାୟାଳୟରେ ବ୍ୟାପକ ପ୍ରତନିଧିତ୍ୱ ପାଇଁ ଲିଙ୍ଗ, ବର୍ଗର ସମ୍ପ୍ରଦାୟ ଏବଂ ସଂଖ୍ୟାଲଘୁ ସମ୍ପ୍ରଦାୟକୁ ଅନ୍ତର୍ଭୁକ୍ତ କରେ । ସେ କହିଛନ୍ତି ଯେ ନ୍ୟାୟିକ ନିଯୁକ୍ତି ପ୍ରକ୍ରିୟା ସ୍ୱଚ୍ଛ ହେବା ଉଚିତ, ଯାହାଦ୍ୱାରା ଲୋକମାନେ ନ୍ୟାୟପାଳିକାର କାର୍ଯ୍ୟରେ ଅଧିକ ବିଶ୍ୱାସ କରିବେ ।
ଦେଶର ମୁଖ୍ୟ ବଚାରପତି ଚନ୍ଦ୍ରଚୁଡ ସୁପ୍ରିମକୋର୍ଟର ବିଚାରପତିଙ୍କୁ ମିଳୁଥିବା ଛୁଟିକୁ ନେଇ କହିଛନ୍ତି, ସୁପ୍ରିମକୋର୍ଟର ବିଚାରପତିଙ୍କୁ ଗୋଟିଏ ବର୍ଷରେ ୨୦୦ ଦିନ(ପ୍ରାୟ ସାଢେ ୬ ମାସ) ପର୍ଯ୍ୟନ୍ତ କୋର୍ଟର କାମ କରିଥାଆନ୍ତି । ଯାହାକି ଆମେରିକା ସୁପ୍ରିମକୋର୍ଟରେ ୮୦ ଦିନ କାମ ହୋଇଥାଏ, ଅଷ୍ଟ୍ରେଲିଆ ସୁପ୍ରିମକୋର୍ଟରେ ୧୦୦ ଦିନରୁ କମ କାମ ହୋଇଥାଏ, ବ୍ରିଟେନ ଓ ସିଙ୍ଗାପୁର ସୁପ୍ରିମକାର୍ଟରେ ୧୪୫ ଦିନ କାମ ହୋଇଥାଏ ।