କୋକସରା,୯ା୧୧(ଡି.ଏନ୍.ଏ.): କଳାହାଣ୍ଡି ଜିଲା କୋକସରା ବ୍ଲକ କୃଷି ଓ କୃଷକ ସମିତି ସଂଗଠନର ଆବାହକ ଲକ୍ଷ୍ମୀକାନ୍ତ ବାଗ୍ଙ୍କ ନେତୃତ୍ୱରେ ବ୍ଲକ ବିଭିନ୍ନ ପଞ୍ଚାୟତର ଚକଡ଼ା କ୍ଷତିଗ୍ରସ୍ତ ଚାଷୀ ସମୂହ ବୁଧବାର କୋକସରା ତହସିଲଦାରଙ୍କ ଜରିଆରେ ମହାମହିମ ରାଜ୍ୟପାଳଙ୍କ ଉଦ୍ଦେଶ୍ୟରେ କ୍ଷତିପୂରଣ ଦାବିରେ ଏକ ଦାବିପତ୍ର ଦେଇଛନ୍ତି। ଚାଷୀ ସମୂହ ଏକ ଶୋଭାଯାତ୍ରାରେ ବାହାରି ଦାବିପତ୍ର ପ୍ରଦାନ କରିଛନ୍ତି।
ସୂଚନାଯୋଗ୍ୟ, କୋକସରା ବ୍ଲକର ୮ ପଞ୍ଚାୟତ ବରାଡୋଙ୍ଗା, କାଉଡୋଳା, ଲଡୁଗାଁ, କୋକସରା, ମାଝିଗୁଡ଼ା, ବଡ଼ପୋଡ଼ା ଗମ୍ଭାରୀଗୁଡ଼ା, ଟେମରା ପଞ୍ଚାୟତର ହଜାର ହଜାର ହେକ୍ଟର ଚାଷଜମି ଏବେ ଚକଡ଼ା ରୋଗ ପୋକରେ ସମ୍ପୂର୍ଣ୍ଣ ନଷ୍ଟ ହୋଇସାରିଛି। ଚକଡ଼ା ରୋଗପୋକ ପ୍ରାଦୁର୍ଭାବ କାରଣରୁ ବ୍ଲକର ଶହଶହ ଚାଷୀଙ୍କ ଆର୍ଥିକ ମାନଦଣ୍ଡ ଦୋହଲି ଯାଇଛି। ଏଣୁ ସେମାନଙ୍କ କ୍ଷୟକ୍ଷତି ଆକଳନ କରି କ୍ଷତିପୂରଣ ଦେବାକୁ ଦାବିପତ୍ର କୋକସରା ତହସିଲଦାର ଦେବବ୍ରତ କରାଟିଙ୍କୁ ପ୍ରଦାନ କରାଯାଇଛି। ଏହି ଦାବିପତ୍ର ପ୍ରଦାନ ସମୟରେ ଚାଷୀ ସୋମନାଥ ବାଗ୍, କାମଦେବ ମାଝି, ପଦ୍ମଲୋଚନ ନାଏକ, ମନୁ ମାଝି, ଝସ କେତନ ସରାବୁ ଅନିରୁଦ୍ଧ ରଣା,ଲୋକନାଥ ସାହୁ, ପ୍ରଶାନ୍ତ ପଟ୍ଟନାୟକ, ଧନେଶ୍ୱର ନାଏକ, ହରିଶ୍ଚନ୍ଦ୍ର ବାରିକ, ଫକୀର ଭଇଁସାଲ, ଅଭି ବେହେରା, ତାରାଚନ୍ଦ ମାଝି, ଚିତ୍ତରଞ୍ଜନ ଧଙ୍ଗଡ଼ା ମାଝି, ରବି ବେଶ୍ରା, ନବୀନ କୁମାର ବେହେରା, ନରେନ୍ଦ୍ର ଠାକୁରଙ୍କ ସମେତ ଶତାଧିକ ଚାଷୀ ଉପସ୍ଥିତ ଥିଲେ।