ପୋର୍ଟ ମୋର୍ସବେ,୧୯।୨ : ପାପୁଆ ନ୍ୟୁ ଗିନିରେ ଦୁଇ ଜନଜାତି ହିଂସାରେ ନରସଂହାରର ରୂପ ନେଇଛି। ଏଥିରେ ୬୪ ଜଣଙ୍କର ମୃତ୍ୟୁ ଘଟିଛି। ସମସ୍ତଙ୍କୁ ଗୁଳି କରି ହତ୍ୟା କରାଯାଇଥିଲା।
ଏଥିସହ ଏପର୍ଯ୍ୟନ୍ତ ପୋଲିସ ପକ୍ଷରୁ କୌଣସି ପ୍ରକାରର ବିବୃତ୍ତି ଆସିନାହିଁ। ସ୍ଥାନୀୟ ଖବରକାଗଜ ପୋଷ୍ଟ-କ୍ୟୁରିୟର ଏକ ରିପୋର୍ଟରେ କୁହାଯାଇଛି ରବିବାର ଦିନ ଏହି ହିଂସା ଘଟିଥିଲା ଏବଂ ଏହା ଦୁଇ ଜନଜାତିଙ୍କ ମଧ୍ୟରେ ସଂଘର୍ଷ ଯୋଗୁ ହୋଇଥିଲା।
ପାପୁଆ ନ୍ୟୁ ଗିନିରେ ସୁରକ୍ଷା ଏକ ବଡ ପ୍ରସଙ୍ଗ। ଗତ ମାସରେ ଦେଶରେ ହୋଇଥିବା ଦଙ୍ଗାରେ ଅତି କମରେ ୧୬ ଜଣଙ୍କର ମୃତ୍ୟୁ ଘଟିଥିଲା।
ସପ୍ତାହକ ମଧ୍ୟରେ ଏଙ୍ଗା ପ୍ରଦେଶରେ ଏକ ଆଦିବାସୀ ବିବାଦ ସମୟରେ ଏହି ନରସଂହାର ଘଟିଛି। ଦେଶରେ ବେଆଇନ ଅସ୍ତ୍ରଶସ୍ତ୍ରର କାରବାର ସଂଘର୍ଷକୁ ଅଧିକ ମାରାତ୍ମକ କରିଦେଇଛି। ରାଜଧାନୀ ପୋର୍ଟ ମୋର୍ସବେଠାରୁ ପ୍ରାୟ ୬୦୦ କିଲୋମିଟର ଉତ୍ତର-ପଶ୍ଚିମ ୱାବଗ ସହର ନିକଟରେ ଘଟଣାସ୍ଥଳରେ ପହଞ୍ଚି ପୋଲିସ ମୃତଦେହ ଉଦ୍ଧାର କରିବା ଆରମ୍ଭ କରିଛି।
ଗଣମାଧ୍ୟମ ସଂସ୍ଥା କହିଛି ଯେ ଘଟଣାସ୍ଥଳରୁ ପୋଲିସ ଗ୍ରାଫିକ ଭିଡିଓ ଏବଂ ଫଟୋ ସଂଗ୍ରହ କରିଛି। ଜନଜାତି ବିବାଦ ଜମି ଏବଂ ସମ୍ପତ୍ତି ବଣ୍ଟନକୁ ନେଇ ଘଟିଥିବା ପୋଲିସ କହିଛି।
