ଘରେ ଯେତେ ପନିର ଖାଆନ୍ତୁନା କାହିଁକି ବଡ଼ ରେଷ୍ଟୁରାଣ୍ଟକୁ ଯାଇ ପନିର ଡିସ୍ ଅର୍ଡର କଲେ ମଧ୍ୟ ବିବାହରେ ପନିର ଖାଇବାର ଆନନ୍ଦ କିଛି ଅଲଗା ଥାଏ। ଏହି କାରଣରୁ ଆପଣ ଦେଖିବେ ଧନୀ ଲୋକମାନେ ମଧ୍ୟ ବିବାହ ସମୟରେ ପନିପରିବାଠାରୁ ପନିର ବ୍ୟବସ୍ଥା କରିଥାନ୍ତି। ଅନେକ ଥର ଲୋକମାନେ ଭୋଜିରେ ପନିର ନ ପାଇ ଖଣ୍ଡପ୍ରଳୟ କରିଥାନ୍ତି। ଏବେ ସେମିତି ଏକ ଭିଡିଓ ଭାଇରାଲ ହେଉଛି। ଯେଉଁଥିରେ ଏକ ବିବାହ ଭୋଜିରେ ଲୋକମାନେ ପନିର ଖାଇବାକୁ ନ ପାଇ ଖଣ୍ଡଯୁଦ୍ଧ କରିଛନ୍ତି।
@ harkekalesh ନାମକ ଏକ ପେଜ୍ରେ ଭିଡିଓଟି ପୋଷ୍ଟ କରାଯାଇଛି। ଏହି ଭିଡିଓରେ ଅନେକ ଲୋକ ବିବାହ ହଲ୍ ଭିତରେ ମାଡ୍ପିଟ୍ ଲାଗୁଥିବା ଦେଖିବାକୁ ମିଳିଛି। ଅତିଥିମାନେ ପରସ୍ପର ଉପରକୁ ଚେୟାର ଟେବୁଲ ଫିଙ୍ଗୁଥିବା ବି ଦେଖିବାକୁ ମିଳିଛି। ଭିଡିଓ ଶେୟାର କରାଯାଇ ଏଥିରେ କ୍ୟାପ୍ଶନ ଲେଖାଯାଇଛି, ଏମାନେ ପୁଅ ଏବଂ ଝିଅ ପକ୍ଷ ଲୋକ। ଲଢ଼େଇର କାରଣ ହେଲା ମଟର-ପନିର। ଥାଳିରେ ପନିର ନ ମିଳିବାରୁ ଘଟିଛି ଏପରି କାଣ୍ଡ। କିଛି ଲୋକ ନୀରବରେ ଠିଆ ହୋଇ ଏହି ଦୃଶ୍ୟକୁ ଦେଖୁଛନ୍ତି। ସୋସିଆଲ ମିଡିଆରେ ଏହି ଭିଡିଓ ଖୁବ୍ ତୀବ୍ର ବେଗରେ ଭାଇରାଲ ହେଉଛି।