ପାପଡ଼ାହାଣ୍ଡି/ଡାବୁଗଁା/ନବରଙ୍ଗପୁର,୯ା୧୧(ଡି.ଏନ୍.ଏ./ବି.ପ୍ର.): ନବରଙ୍ଗପୁର ଜିଲା ପାପଡ଼ାହାଣ୍ଡି ବ୍ଲକ ମାନିଗଁା ସରକାରୀ ଉଚ୍ଚ ବିଦ୍ୟାଳୟର ଦଶମ ଶ୍ରେଣୀ ଛାତ୍ର ଶଙ୍କର ହରିଜନ ସ୍କୁଲରୁ ନିଖୋଜ ଅଛନ୍ତି। ଏ ନେଇ ସୋମବାର ସ୍କୁଲ କର୍ତ୍ତୃପକ୍ଷ ଡାବୁଗାଁ ଥାନାରେ ଏତଲା ଦେଇଛନ୍ତି। ନିଖୋଜ ଛାତ୍ରଙ୍କ ଘର ଡାବୁଗାଁ ଥାନା ଅଧୀନ ମେଦନା ଅଞ୍ଚଳରେ। ବିଦ୍ୟାଳୟ କର୍ତ୍ତୃପକ୍ଷ ନିଖୋଜ ଛାତ୍ରଙ୍କ ପରିବାରବର୍ଗଙ୍କୁ ଖବର ଦେବା ପରେ ସେମାନେ ମଙ୍ଗଳବାର ବିଦ୍ୟାଳୟରେ ପହଞ୍ଚତ୍ଛନ୍ତି।
ସକାଳ ୭ଟା ୪୫ ପର୍ଯ୍ୟନ୍ତ ଶଙ୍କର ସ୍କୁଲରେ ଥିଲେ। ମଧ୍ୟାହ୍ନଭୋଜନ ସମୟରେ ଦେଖା ନ ଯିବାରୁ କର୍ତ୍ତୃପକ୍ଷ ତାଙ୍କୁ ଖୋଜାଖୋଜି କରିଥିଲେ ମଧ୍ୟ ଶଙ୍କରଙ୍କର କୌଣସି ସନ୍ଧାନ ମିଳିନାହିଁ। ସେ ପାଚେରି ଡେଇଁ ଚାଲିଯାଇଥିବା ନେଇ ସ୍କୁଲ ମେସ୍ ଇନ୍ଚାର୍ଜ ଓ ପ୍ରଧାନ ଶିକ୍ଷକ ସାନ କିଶୋର ନାୟକ ଥାନାରେ ଏତଲା ଦେଇଛନ୍ତି। ଏଥିସହ ଶଙ୍କରଙ୍କ ପରିବାର ଲୋକଙ୍କୁ ମଧ୍ୟ ସେ ଜଣାଇଥିଲେ। ମଙ୍ଗଳବାର ପରିବାର ଲୋକେ ସ୍କୁଲରେ ପହଞ୍ଚତ୍ ପୁଅଙ୍କୁ ଫେରାଇ ଆଣିବାକୁ ଦାବି କରିଛନ୍ତି। ପୁଅ ନିଖୋଜ ପାଇଁ ସ୍କୁଲ କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି ଶଙ୍କରଙ୍କ ବାପା ଖଗପତି। ମଙ୍ଗଳବାର ସେ ଡାବୁଗାଁ ଥାନାରେ ଏତଲା ଦେଇଛନ୍ତି। ପୋଲିସ କେସ୍ ନମ୍ବର ୧୭୦/୨୨ରେ ନିଖୋଜ ମାମଲା ରୁଜୁ କରିଛି।