ପାପଡାହାଣ୍ଡି,୮।୧୧(ଡି.ଏନ୍.ଏ.): ନବରଙ୍ଗପୁର ଜିଲା ପାପଡାହାଣ୍ଡି ବ୍ଲକ ମାନିଗାଁ ସରକାରୀ ଉଚ୍ଚ ବିଦ୍ୟାଳୟରୁ ଜଣେ ଅନ୍ତେବାସୀ ଛାତ୍ର ନିଖୋଜ ହୋଇଯାଇଛନ୍ତି। ଏ ନେଇ ସୋମବାର ସ୍କୁଲ କର୍ତ୍ତୃପକ୍ଷ ଡାବୁଗାଁ ଥାନାରେ ଏତଲା ଦେଇଛନ୍ତିି। ଉତ ଛାତ୍ରଙ୍କ ଘର ମେଦନା ଗ୍ରାମର ବୋଲି ଜଣାପଡିଛି। ବିଦ୍ୟାଳୟ ତରଫରୁ ତାଙ୍କ ପରିବାରବର୍ଗଙ୍କୁ ଖବରଦେବା ପରେ ମଙ୍ଗଳବାର ସେମାନେ ବିଦ୍ୟାଳୟରେ ପହଞ୍ଚିଛନ୍ତି। ଦଶମ ଶ୍ରେଣୀର ଛାତ୍ର ଶଙ୍କର ହରିଜନ ସୋମବାର ବିଦ୍ୟାଳୟରୁ ନିଖୋଜଥିବା ଅପରାହ୍ନରେ ଜଣାପଡିଥିଲା। ଏ ନେଇ ପରିବାର ଲୋକେ ଚିନ୍ତାରେ ପଡ଼ିଯିବା ସହ କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି। ସେମାନେ ଡାବୁଗାଁ ଥାନାରେ ଏତଲା ଦେବେ ବୋଲି କହିଛନ୍ତି । ଏଯାବତ୍ ବିଦ୍ୟାଳୟ ତରଫରୁ କୌଣସି ପ୍ରତିକ୍ରିୟା ମିଳିନାହିଁ।