ଭୁବନେଶ୍ୱର,୧୯।୯: ଭାରତୀୟ ରେଲଓ୍ବେର ପୂର୍ବତଟ ରେଳପଥ ପକ୍ଷରୁ ସେପ୍ଟେମ୍ବର ୧୬ ରୁ ୩୦ ପର୍ଯ୍ୟନ୍ତ ସ୍ବଚ୍ଛତା ପକ୍ଷ ପାଳନ କରାଯାଉଛି। ସରକାରଙ୍କ କୋଭିଡ୍ କଟକଣା ଓ ଗାଇଡ୍ଲାଇନ ଅନୁସାରେ ପୂର୍ବତଟ ରେଳପଥ ବ୍ୟାପକ ଭାବେ ସ୍ବଚ୍ଛତା ପକ୍ଷ ପାଳନ ସହ ରେଳଷ୍ଟେଶନ ପରିସର, ଟ୍ରେନ୍, କାର୍ଯ୍ୟାଳୟ, ୱIର୍କଶପ, ମରାମତି ଡିପୋ, ରେଳପଥ ସ୍ବାସ୍ଥ୍ୟକେନ୍ଦ୍ର ଓ ବାସସ୍ଥଳୀ ଅଞ୍ଚଳଗୁଡ଼ିକରେ ପରିଚ୍ଛନ୍ନତା ପ୍ରତି ସ୍ବତନ୍ତ୍ର ଧ୍ୟାନ ଦେବାକୁ ପୂର୍ବତଟ ରେଳପଥର ମହାପ୍ରବନ୍ଧକ ବିଦ୍ୟାଭୂଷଣ କହିଛନ୍ତି। ପୂର୍ବତଟ ରେଳପଥ ଅତିରିକ୍ତ ମହାପ୍ରବନ୍ଧକ ସୁଧୀର କୁମାର ପୂର୍ବାହ୍ନରେ ରେଳପଥର ମୁଖ୍ୟାଳୟ ପରିସରରେ ଏହାର ଅଧିକାରୀ ଓ କର୍ମଚାରୀମାନଙ୍କୁ ସ୍ବଚ୍ଛତା ପ୍ରତି ଶ୍ରମଦାନ କରିବା ଏବଂ ନିଜେ ଅଳିଆ ନ ଫିଙ୍ଗିବା କିମ୍ବା କାହାକୁ ଏହା ନ କରିବା ପାଇଁ ପ୍ରବର୍ତ୍ତାଇବାକୁ ମଧ୍ୟ ଶପଥପାଠ କରାଇଥିଲେ I
