ପାଇକମାଳ,୧୩।୫(ଡି.ଏନ.ଏ.): ବରଗଡ ଜିଲା ପାଇକମାଳ ସତ୍ୟସାଇ ସେବା ସଙ୍ଗଠନ ତରଫରୁ ନୃସିଂହନାଥ ପରିସରରେ ସଫେଇ କାର୍ଯ୍ୟକ୍ରମ ଶୁକ୍ରବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ସଙ୍ଗଠନ ସଦସ୍ୟମାନେ କପିଳ ମୁନି ଆଶ୍ରମ ପରିସରରେ ସତ୍ୟସାଇଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରି ପୂଜା ଆଳତି କରିଥିଲେ। ପରେ ସମସ୍ତେ କପିଳମୁନି ଆଶ୍ରମରୁ ନୃସିଂହନାଥ ମୁଖ୍ୟ ଦ୍ବାର ପର୍ଯ୍ୟନ୍ତ ରାସ୍ତାର ଉଭୟ ପାଶର୍ବକୁ ସଫେଇ କରିଥିଲେ। ପାଇକମାଳ ସାଇର ଲକ୍ଷ୍ମଣ ସାହୁ, ପଦ୍ମପୁର ସାଇ ଆବାହକ ପବିତ୍ର ମୋହନ ରଥ, ଅଶୋକ ସାହୁ, ମୁରାରୀ ବେହେରା, ରଶ୍ମିତା ସାହୁ, ଲକ୍ଷ୍ମୀ ସାହୁ, କୁନି ସାହୁ, ମିକି ସାହୁ, ବବି ସାହୁ, ଲୋଚନା ସାହୁ ପ୍ରମୁଖ ସହଯୋଗ କରିଥିଲେ। ସୂଚନାଯୋଗ୍ୟ, ନୃସିଂହନାଥ ପୀଠରେ ଗତ ୧ରୁ ୫ ତାରିଖ ଯାଏ ବୈଶାଖ ମେଳା ଚାଲିଥିଲା। ମେଳାରେ ଶହ ଶହ ଦୋକାନ ଓ ଲକ୍ଷାଧିକ ଲୋକଙ୍କ ଭିଡ଼ ଯୋଗୁ ପୀଠ ଅଳିଆ ଆବର୍ଜନା ହୋଇଥିଲା।
