ନୂଆଦିଲ୍ଲୀ, ୧।୧୦ : କେନ୍ଦ୍ରର ବାର୍ଷିକ ସର୍ଭେରେ ଲଗାତାର ଷଷ୍ଠ ଥର ପାଇଁ ଇନ୍ଦୋରକୁ ସ୍ବଚ୍ଛ ସହର ଭାବେ ଶୀର୍ଷରେ ରହିଛି। ଏହା ପରେ ସୁରଟ ଦ୍ୱିତୀୟ ଏବଂ ନାଭି ମୁମ୍ବାଇ ତୃତୀୟ ସ୍ଥାନରେ ରହିଛି। କେନ୍ଦ୍ର ସରକାରଙ୍କ ବାର୍ଷିକ ସ୍ବଚ୍ଛତା ସର୍ଭେରେ ମଧ୍ୟପ୍ରଦେଶ ରାଜ୍ୟମାନଙ୍କ ମଧ୍ୟରେ ପ୍ରଥମ ସ୍ଥାନ ଅଧିକାର କରିଛି। ଏହା ପରେ ଛତିଶଗଡ ଏବଂ ମହାରାଷ୍ଟ୍ର ରହିଛି।
ସେହିଭଳି ହରିଦ୍ୱାର ଏକ ଲକ୍ଷରୁ ଅଧିକ ଜନସଂଖ୍ୟା ବର୍ଗରେ ସ୍ବଚ୍ଛ ଗଙ୍ଗା ସହର ଭାବରେ ଉଭା ହୋଇଛନ୍ତି। ଏହା ପରେ ବାରାଣସୀ ଏବଂ ଋଷିକେଶ ଅଛି। ଏକ ଲକ୍ଷରୁ କମ ଜନସଂଖ୍ୟା ବିଶିଷ୍ଟ ସହର ବର୍ଗରେ ମହାରାଷ୍ଟ୍ରର ପଞ୍ଚଗାନି ପ୍ରଥମସ୍ଥାନରେ ରହିଛି। ଏହା ପଛକୁ ଛତିଶଗଡର ପାଟନ (ଏନପି) ଏବଂ ମହାରାଷ୍ଟ୍ରର କରହଡ଼ ରହିଛି।
ଚଳିତ ବର୍ଷ ବଡ ସହର ବର୍ଗରେ ଇନ୍ଦୋର ଏବଂ ସୁରଟ ନିଜର ଶୀର୍ଷ ସ୍ଥାନ ବଜାୟ ରଖିଥିବାବେଳେ ବିଜୟୱାଡା ନିଜର ପୂର୍ବ ସ୍ଥାନ ହରାଇଛି। ଏଠାରେ ନାଭି ମୁମ୍ବାଇକୁ ତୃତୀୟ ସ୍ଥାନରେ ରହିଛି। ସର୍ବେକ୍ଷଣ ଫଳାଫଳ ଅନୁଯାୟୀ, ୧୦୦ ରୁ କମ ସହରାଞ୍ଚଳ ସ୍ଥାନୀୟ ସଂସ୍ଥା ଥିବା ରାଜ୍ୟମାନଙ୍କ ମଧ୍ୟରେ ତ୍ରିପୁରା ଶୀର୍ଷରେ ରହିଛି।
ଶନିବାର ଏକ କାର୍ଯ୍ୟକ୍ରମରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ବିଜେତାମାନଙ୍କୁ ପୁରସ୍କାର ପ୍ରଦାନ କରିଥିଲେ। ଏହି ଅବସରରେ କେନ୍ଦ୍ର ଗୃହ ଓ ନଗର ବ୍ୟାପାର ମନ୍ତ୍ରୀ ହାର୍ଦ୍ଦିକ ସିଂ ପୁରୀ ଏବଂ ଅନ୍ୟମାନେ ଉପସ୍ଥିତ ଥିଲେ।
