ଝୋଲାଛାପ୍ ୱେବ୍ ସିରିଜ୍ରେ ଗ୍ରାମୀଣ ସ୍ବାସ୍ଥ୍ୟସେବାର ନିଛକ ଚିତ୍ର
21 ବଲାଙ୍ଗୀର ଅଫିସ, ୨୦ା୧୧
ବଲାଙ୍ଗୀର ଜନ୍ମିତ ବଲିଡଡ୍ ଚଳଚ୍ଚିତ୍ର ନିର୍ଦ୍ଦେଶକ ଜ୍ୟୋତି ପ୍ରକାଶ ଗୁରୁବାର ସ୍ଥାନୀୟ ସାମ୍ବାଦିକ ଭବନରେ ଏକ ଖବରଦାତା ସମ୍ମିଳନୀରେ ମୁକ୍ତିଲାଭ କରିବାକୁ ଥିବା ତାଙ୍କ ନିର୍ଦ୍ଦେଶିତ ୱେବ୍ ସିରିଜ୍ ଝୋଲାଛାପ୍ ସମ୍ପର୍କରେ ସବିଶେଷ ସୂଚନା ଦେଇଛନ୍ତି। ଝୋଲାଛାପ୍ ସିରିଜ୍ରେ ଭାରତୀୟ ଗ୍ରାମୀଣ ଅଞ୍ଚଳର ସ୍ବାସ୍ଥ୍ୟସେବାର ବାସ୍ତବିକ ଚିତ୍ର ଓ କଥାବସ୍ତୁ ପ୍ରଦର୍ଶିତ ହେବ। ସ୍ବାଧୀନତାର ଦୀର୍ଘ ୭୩ ବର୍ଷ ପରେ ମଧ୍ୟ ଭାରତର ଗଁାଗୁଡିକରେ କିଭଳି ସ୍ବାସ୍ଥ୍ୟସେବା ଅପହଞ୍ଚ ତାହା ଏହି ୱେବ୍ ସିରିଜ୍ରେ ପ୍ରଦର୍ଶିତ ହେବ ବୋଲି ନିର୍ଦ୍ଦେଶକ ଜ୍ୟୋତି ପ୍ରକାଶ ସୂଚନା ଦେଇଛନ୍ତି। ତାଲିମପ୍ରାପ୍ତ ଡାକ୍ତର ଓ ସ୍ବାସ୍ଥ୍ୟକର୍ମୀଙ୍କ ଅଭାବରୁ କ୍ୱାକମାନଙ୍କ ଦ୍ୱାରା ଗ୍ରାମୀଣ ଲୋକେ ଚିକିତ୍ସା ନଁାରେ କିଭଳି ପେଶୀ ହେଉଛନ୍ତି ଓ ବିଭିନ୍ନ ସମୟରେ କିଭଳି ସାଂଘାତିକ ପରିଣାମର ଶିକାର ହେଉଛନ୍ତି ତାହା ଝୋଲାଛାପ୍ରେ ପ୍ରଦର୍ଶିତ ହେବ। ଗ୍ରାମୀଣ ଅଞ୍ଚଳର ବିପର୍ଯ୍ୟସ୍ତ ସ୍ବାସ୍ଥ୍ୟସେବା ଉପରେ ଜନସଚେତନା ସୃଷ୍ଟି ଲକ୍ଷ୍ୟ ବୋଲି ନିର୍ଦ୍ଦେଶକ ଜ୍ୟୋତି ପ୍ରକାଶ ସୂଚନା ଦେଇଛନ୍ତି। ଏହି ଚଳଚ୍ଚିତ୍ରରେ ଓଡିଶାର ଫିଲ୍ମ ନିର୍ଦ୍ଦେଶକ ତଥା ଅଭିନେତା ଚିତ୍ତରଞ୍ଜନ ତ୍ରିପାଠୀ, ବଲିଉଡ ଅଭିନେତା ମୁସ୍ତାକ୍ ଖାନ, ମେହେକ ମନୱାନୀ ବିଭିନ୍ନ ଚରିତ୍ରରେ ଅଭିନୟ କରୁଛନ୍ତି ା ଏହି ୱେବ ସିରିଜ ଓଟିଟି ପ୍ଲାଟ୍ଫର୍ମରେ ମୁକ୍ତିଲାଭ କରିବ ବୋଲି ସେ ସୂଚନା ଦେଇଛନ୍ତି ା କୋଭିଡ-୧୯ କଟକଣା ଯୋଗୁଁ ଚଳିତବର୍ଷ ହେବାକୁ ବିଭିନ୍ନ ଫିଲ୍ମ ବାତିଲ କରାଯାଇଛି ା ତେବେ ଆସନ୍ତା ବର୍ଷ ଓଡିଶାରେ ବଲିଉଡ ଫିଲ୍ମ ନିର୍ମାଣ କରିବାର ଯୋଜନା ରହିଛି ବୋଲି ସେ ସୂଚନା ଦେଇଛନ୍ତି ା ଓଡିଶାର କଳା, ସଂସ୍କୃତିକୁ ନେଇ ଚଳଚ୍ଚିତ୍ର ନିର୍ମାଣ ଓ ଏଠାକାର ସ୍ଥାନୀୟ କଳାକାରଙ୍କୁ ଅଭିନୟ ସୁଯୋଗ ଦିଆଯିବ ବୋଲି ଜ୍ୟୋତିପ୍ରକାଶ କହିଛନ୍ତି ା ମାଓବାଦୀ ସମସ୍ୟା ଉପରେ ତିଆରି ହେବାକୁ ଥିବା ବଲିଡଡ୍ ପିଚର ଫିଲ୍ମ ବଲାଙ୍ଗୀର ଓ କନ୍ଧମାଳ ଜିଲାର ବିଭିନ୍ନ ସ୍ଥାନରେ ସୁଟିଂ କରାଯିବ ବୋଲି ସେ ସୂଚନା ଦେଇଛନ୍ତି ା ଏଥିପାଇଁ ସ୍ବତନ୍ତ୍ର ଭାବେ ଅଡିସନ କରାଯିବ ଓ ସେଥିରୁ ଚୟନ ହୋଇଥିବା କଳାକାରମାନେ ବଲିଉଡ୍ର ବରିଷ୍ଠ କଳାକାରମାନଙ୍କ ସହ କାମ କରିବାର ସୁଯୋଗ ପାଇପାରିବେ ବୋଲି ସେ କହିଛନ୍ତି ା ବଲାଙ୍ଗୀରରେ ଜନ୍ମଗ୍ରହଣ କରିଥିବା ଜ୍ୟୋତିପ୍ରକାଶ ବେଲପଡା ନବୋଦୟ ସ୍କୁଲ ଓ ସମ୍ବଲପୁର ଜିଏମ କଲେଜରେ ପାଠ ପଢ଼ିବା ପରେ ଭାରତୀୟ ବାୟୁସେନାରେ ଯୋଗ ଦେଇଥିଲେ ା ବାୟୁସେନାରୁ ସେବା ନିବୃତ୍ତ ହେବା ପରେ ୨୦୧୭ ମସିହାରୁ ପ୍ରଖ୍ୟାତ ଫିଲ୍ମ ନିର୍ଦ୍ଦେଶକ ମହେଶ ଭଟ୍ଟ ସହ କାମ କରିବାର ସୁଯୋଗ ପାଇଥିଲେ ା ଜ୍ୟୋତି ପ୍ରକାଶ ୭ଟି ସର୍ଟଫିଲ୍ମ ନିର୍ମାଣ କରି ଜାତୀୟ ଓ ଆନ୍ତର୍ଜାତିକସ୍ତରରେ ପୁରସ୍କୃତ ହୋଇଛନ୍ତି ା