ଅହମ୍ମଦାବାଦ,୩୦।୧: ଫେସବୁକ୍ରେ ସଂଖ୍ୟା ଲଗୁ ସମ୍ପ୍ରାଦାୟଙ୍କ ଧାର୍ମିକ ଭାବନାକୁ ଆଘାତ ଦେଲା ଭଳି ଭିଡିଓ କ୍ଲିପ୍ ପୋଷ୍ଟ କରିବାରୁ ଜଣେ ବ୍ୟକ୍ତିଙ୍କୁ ହତ୍ୟା କରାଯାଇଛି। ଏହି ହତ୍ୟାକାଣ୍ଡରେ ସମ୍ପୃକ୍ତ ଜଣେ ମୌଲାନାଙ୍କ ସମେତ ୩ ଅଭିଯୁକ୍ତଙ୍କୁ ଗିରଫ କରାଯାଇଥିବା ପୋଲିସ ଅଧିକାରୀ କହିଛନ୍ତି। ଏଭଳି ଘଟଣା ଘଟିଛି ଅହମ୍ମଦାବାଦ ଜିଲାର ଧାନଧୁକା ଅଞ୍ଚଳରେ।
ଅହମ୍ମଦାବାଦ (ଗ୍ରାମୀଣ) ପୋଲିସ ମୌଲାନା ମହମ୍ମଦ ଆୟୁବ ଜଭାରାଓ୍ବାଲା (୫୧), ସବ୍ବିର ଚୋପଡା (୨୫) ଓ ଇମତିୟାଜ ପଠାନ (୨୭)ଙ୍କୁ ଗିରଫ କରାଯାଇଛି। ପୋଲିସ ଅଧିକାରୀଙ୍କ କହିବା ଅନୁଯାୟୀ, ସବ୍ବିର ଓ ଇମତିଆଜଙ୍କୁ ପିସ୍ତଲ ସହ ଗୁଳି ଯୋଗାଇ ଦେଇଥିଲେ ମୌଲାନା ଜଭାରାଓ୍ବାଲା। ସେମାନେ ଗତ ୨୫ ତାରିଖରେ ଧାନଧୁକାଠାରେ କିଷନ ଭରଓ୍ବାଦ(୨୭)ଙ୍କୁ ଗୁଳି କରି ହତ୍ୟା କରିଥିଲେ।
ମୃତକ ଭାରଓ୍ବାଦଙ୍କୁ ଗଳିତ ମାସରେ ତାଙ୍କ ଫେସବୁକ୍ ପୋଷ୍ଟ ପାଇଁ ଗିରଫ କରାଯାଇଥିଲା। ସେ ଜାମିନରେ ବାହାରେ ଥିଲେ। ଏହି ହତ୍ୟାକାଣ୍ଡ ପରେ ବିଶ୍ୱ ହିନ୍ଦୁ ପରିଷଦ (ଭିଏଚ୍ପି) ବନ୍ଦ ଡାକରା ଦେଇଥିଲା। ଏଥିଯୋଗୁ ଶନିବାର ଗୁଜରାଟ ସରକାର ହତ୍ୟାକାଣ୍ଡର ତଦନ୍ତ ଦାୟିତ୍ୱ ଏଟିଏସ୍କୁ ହସ୍ତାନ୍ତର କରିଥିଲା।
