ଇସଲାମାବାଦ,୧୦ ।୧୧: କିଛିଦିନ ହେବ ଶୁଣିବାକୁ ମିଳୁଛି କି ଟେନିସ ତାରକା ସାନିଆ ମିର୍ଜା ଓ ତାଙ୍କ କ୍ରିକେଟର ପତି ଶୋଏବ ମଲିକ ପରସ୍ପରଠାରୁ ଅଲଗା ହେବାକୁ ନିଷ୍ପତ୍ତି ନେଇଛନ୍ତି । ସାନିଆ ମିର୍ଜା ଲଗାତାର ଭାବେ ସୋସିଆଲ ମିଡିଆରେ ଏମିତି କିଛି ପୋଷ୍ଟ ଶେୟାର କରି ଚାଲିଛନ୍ତି ଯାହାକୁ ନେଇ ଅନୁମାନ କରାଯାଉଛି କି ଉଭୟଙ୍କ ମଧ୍ୟରେ କିଛି ଠିକ୍ ନାହିଁ । ଏବେ ଏହାକୁ ସ୍ପଷ୍ଟ କରିବାକୁ ସାନିଆ ଓ ଶୋଏବଙ୍କ ଜଣେ ନିକଟ ସମ୍ପର୍କିୟ ଅଫିସିଆଲି ଘୋଷଣା କରିଛନ୍ତି କି ଖୁବଶୀଘ୍ର ସାନିଆ ଓ ଶୋଏବ ଅଲଗା ହେବାକୁ ଯାଉଛନ୍ତି । ଏହି ସୂଚନା ଅନୁଯାୟୀ, ସାନିଆ ଏବେ ଦୁବଇରେ ରହୁଥିବା ବେଳେ ଶୋଏବ ଏବେ ପାକିସ୍ତାନରେ ରହୁଛନ୍ତି । ତେଣୁ ଏଥରୁ ଅନୁମାନ କରାଯାଉଛି କି ଏମାନେ ହୁଏତ ଅଲଗା ହୋଇପାରନ୍ତି । ଏହି ଖବର ଜାଣିବା ପରେ ସାନିଆ ଓ ଶୋଏବଙ୍କ ପ୍ରସଂଶକଙ୍କ ମନ ଖରାପ ହୋଇଛି ।
ସୂଚନାଯୋଗ୍ୟ, ଇନଷ୍ଟାଷ୍ଟୋରି ବ୍ୟତୀତ କିଛିଦିନ ପୂର୍ବରୁ ସାନିଆ ମିର୍ଜା ତାଙ୍କ ପୁଅ ସହ ଏକ ଫଟୋ ଶେୟାର କରିଥିଲେ । ଏହାସହ ସେ କ୍ୟାପଶନରେ ଲେଖିଥିଲେ, ଏହି ଖୁସିର ମୁହୂର୍ତ୍ତ ଆମକୁ ଏହି କଠିନ ଦିନରୁ ବାହାର କରିଦେଉଛି । ଏହି ଫଟୋରେ ସାନିଆଙ୍କ ପୁଅ ତାଙ୍କୁ ଆଦରରେ ଗେହ୍ଲା କରୁଥିବା ଦେଖାଯାଇଥିଲା । ସୂଚନାଯୋଗ୍ୟ, ୨୦୧୦ରେ ଏମାନେ ରାଜକୀୟ ଢଙ୍ଗରେ ବିବାହ କରିଥିବା ବେଳେ ଏବେ ଏମାନଙ୍କ ତଲାକକୁ ନେଇ ଚର୍ଚ୍ଚା ହେଉଛି ।
