ଭୁବନେଶ୍ୱର,୧୧।୨: ଦେଶର ପ୍ରମୁଖ ବାଣିଜି୍ୟକ ସଂସ୍ଥା ତଥା ବେଦାନ୍ତ ଗ୍ରୁପ୍ର ହେଲ୍ଥ ୟୁନିଟ୍ ବାଲ୍କୋ ମେଡିକାଲ ସେଣ୍ଟର (ବିଏମ୍ସି)ର କ୍ୟାନ୍ସର ଡିର୍ପାଟମେଣ୍ଟ ପକ୍ଷରୁ ବିଶ୍ୱ କର୍କଟ ଦିବସ ନିକଟରେ ପାଳିତ ହୋଇଯାଇଛି। ଏହି ପରିପ୍ରେକ୍ଷୀରେ ‘କ୍ଲୋଜ୍ ଦି କେୟାର ଗ୍ୟାପ୍’ ଶୀର୍ଷିକ ଅଭିଯାନର ଶୁଭାରମ୍ଭ କରାଯାଇଛି। ଉକ୍ତ ଅଭିଯାନ ଜରିଆରେ ରୋଗୀଙ୍କୁ ଆଗାମୀ ଦିନରେ ସଚେତନତା କରାଇବା ସହ କର୍କଟଠାରୁ କିଭଳି ମୁକ୍ତି ପାଇପାରିବା ବା ରୋଗ ସହ ଲଢ଼ିବାର କୌଶଳ ବିଷୟରେ ଅବଗତ ହେବା ସେ ବିଷୟରେ ବ୍ୟାପକ କାର୍ଯ୍ୟକ୍ରମର ଆୟୋଜନ କରାଯାଇଛି। ଏ ସମ୍ପର୍କରେ ବିଏମ୍ସିର ଚେୟାରମ୍ୟାନ ଜ୍ୟୋତି ଅଗ୍ରଓ୍ବାଲ କହିଛନ୍ତି, ଦେଶବାସୀଙ୍କୁ ଉପଯୁକ୍ତ ସ୍ବାସ୍ଥ୍ୟସେବା ଯୋଗାଇବା ସହ ସ୍ବାସ୍ଥ୍ୟର ରକ୍ଷଣାବେକ୍ଷଣ ପାଇଁ ଆମେ ଅଧିକ ସକ୍ରିୟ ପଦକ୍ଷେପ ଗ୍ରହଣ କରୁଛୁ। ଏପରିକି ବାଲ୍କୋ ମେଡିକାଲ ଜରିଆରେ ଏକ ବୈପ୍ଲବିକ ପରିବର୍ତ୍ତନ ଆଣିବାକୁ ଚେଷ୍ଟା କରୁଛି ବୋଲି ସେ ମତପ୍ରକାଶ କରିଛନ୍ତି। ସୂଚନାଯୋଗ୍ୟ, ଛତିଶଗଡ଼ର ରାୟପୁରଠାରେ ବିଏମ୍ସିର ଏକ ୧୭୦ ଶଯ୍ୟା ବିଶିଷ୍ଟ ଅତ୍ୟାଧୁନିକ ଚିକିସତ୍ା କେନ୍ଦ୍ର ଅବସ୍ଥିତ। ଚଳିତବର୍ଷ କ୍ଲୋଜ୍ ଦି କେୟାର ଗ୍ୟାପ୍’ର ବିଷୟବସ୍ତୁ ଉପରେ ଉକ୍ତ ରୋଗର ନିରାକରଣ ପାଇଁ ବାଲ୍କୋ ମେଡିକାଲ କେନ୍ଦ୍ର ପକ୍ଷରୁ ଏକ ଓ୍ବେବିନାର ଆୟୋଜନ କରାଯାଇଥିଲା। ଅପରପକ୍ଷରେ ଅନୀଲ ଅଗ୍ରଓ୍ବାଲ ଫାଉଣ୍ଡେଶନ ଏବଂ ବେଦାନ୍ତ ମେଡିକାଲ ରିସର୍ଚ୍ଚ ଫାଉଣ୍ଡେଶନର ମିଳିତ ସହଯୋଗରେ ବିଏମ୍ସି ଅନେକ ପ୍ରକାର ସଚେତନତାମୂଳକ ପଦକ୍ଷେପ ଗ୍ରହଣ କରିଛି। ଏପରିକି ଲୋକଙ୍କୁ ଯଥା ସମୟରେ ପ୍ରତିଷେଧକ ଯାଞ୍ଚ ତଥା ରୋଗ ହ୍ରାସ ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରାଯାଇପାରିବ।