କଟକ,୧୧ା୧(କାର୍ତ୍ତିକ ସାହୁ) ବନ୍ଦ ପଡ଼ିଥିବା ଗୋରୁହାଟ ଏବଂ କାଞ୍ଜିଆହୁଦାଗୁଡିକୁ କାର୍ଯ୍ୟକ୍ଷମ କରାଇ ଚାଷୀଙ୍କ ଆୟବୃଦ୍ଧି କରିବାକୁ ଓଡ଼ିଶା କୃଷକ ସଭା କଟକ ଜିଲା କମିଟି ପକ୍ଷରୁ ଦାବି କରାଯାଇଛି।
୧୦ ଦିନ ତଳେ ଜିଲାପାଳ ଓ ଉପଜିଲାପାଳଙ୍କୁ ଦାବି ସମ୍ପର୍କରେ ଆଲୋଚନା କରି ଓଡ଼ିଶା କୃଷକ ସଭା ପକ୍ଷରୁ ଅନୁଷ୍ଠିତଏକ ବୈଠକରେ ଅନୁରୋଧ କରାଯାଇଥିଲା। ହେଲେ ପ୍ରଶାସନ କୌଣସି ପଦକ୍ଷେପ ନ ନେବାରୁ ଗୁରୁବାର କୃଷକ ସଭା ତରଫରୁ ବିକ୍ଷୋଭ କରାଯାଇଛି। ଏଥିରେ ସିପିଆଇ(ଏମ୍) କଟକ ଜିଲା ସମ୍ପାଦକ ବଦ୍ରିନାରାୟଣ ଦାଶ, କୃଷକ ସଭାର ଜିଲା ଉପସଭାପତି ବିଷ୍ଣୁ ବେହେରା, ଜିଲା ସମ୍ପାଦକ ଡମ୍ବୁରୁଧର ସାହୁ, ଟାଙ୍ଗୀ-ଚୌଦ୍ୱାର ବ୍ଲକ ସଭାପତି ରମେଶ ବେହେରା, ସମ୍ପାଦକ ମହେନ୍ଦ୍ର ବେହେରା, ଯୁବନେତା ରଶ୍ମିରଞ୍ଜନ ତ୍ରିପାଠୀ ପ୍ରମୁଖ ଉପସ୍ଥିତ ରହିଥିଲେ।
