ନୂଆଦିଲ୍ଲୀ,୬ ।୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଶନିବାର କ୍ୟାବିନେଟ ବୈଠକ ପରେ ଡିଜିଟାଲ ପ୍ରେସ କନଫରେନ୍ସ ମାଧ୍ୟମରେ ଏକ ବଡ ଘୋଷଣା କରିଛନ୍ତି । ସେ କହିଛନ୍ତି ଦିଲ୍ଲୀର ନିଜର ଶିକ୍ଷା ବୋର୍ଡ ହେବ । ଏଥିପାଇଁ କ୍ୟାବିନେଟ ମଞ୍ଜୁରୀ ପ୍ରଦାନ କରିଛି । ‘ଦିଲ୍ଲୀ ବୋର୍ଡ ଅଫ୍ ସ୍କୁଲ ଏଜୁକେଶ’ ସ୍ଥାପନ କରାଯିବ । ଏଥିରେ ଦିଲ୍ଲୀର ଶିକ୍ଷା ବ୍ୟବସ୍ଥାରେ କ୍ରାନ୍ତିକାରୀ ପରିବର୍ତ୍ତନକୁ ବୋର୍ଡ ଆହୁରି ଉପରକୁ ନେବ । ଏହାଦ୍ୱାରା କେବଳ ଦିଲ୍ଲୀ ନୁହେଁ ବରଂ ଦେଶର ଶିକ୍ଷା ବ୍ୟବସ୍ଥା ଉପରେ ବଡ ପ୍ରଭାବ ପଡିବାକୁ ଯାଉଛି । ସେ ଆହୁରି ମଧ୍ୟ କହିଛନ୍ତି ଗତ ୬ ବର୍ଷ ମଧ୍ୟରେ ସାରା ଦେଶ ଦେଖୁଛି ଯେ ଦିଲ୍ଲୀର ଶିକ୍ଷା ବ୍ୟବସ୍ଥାରେ କ୍ରାନ୍ତିକାରୀ ପରିବର୍ତ୍ତନ ହୋଇଛି । ଏଥିପାଇଁ ସରକାର ପ୍ରତିବର୍ଷ ବଜେଟର ୨୫ ପ୍ରତିଶତ ଶିକ୍ଷା ପାଇଁ ରଖୁଛନ୍ତି । ତେବେ ଦିଲ୍ଲୀ ଶିକ୍ଷା ବୋର୍ଡର ଉଦ୍ଦେଶ୍ୟ ହେଉଛି ପିଲାମାନଙ୍କୁ ଭଲ ମଣିଷ କରି ଗଢିବା । ଦେଶଭକ୍ତ କରିବା ଓ ରୋଜଗାର ପାଇଁ ସେମାନଙ୍କୁ ପ୍ରସ୍ତୁତ କରିବା ।
