ନୂଆଦିଲ୍ଲୀ,୧୨ ।୭: ଆସନ୍ତା ବର୍ଷ ଅର୍ଥାତ୍ ୨୦୨୨ ମସିହାରେ ଗୋଆରେ ହେବାକୁ ଯାଉଛି ବିଧାନସଭା ନିର୍ବାଚନ । ଏହାକୁ ନେଇ ଏବେଠାରୁ ସବୁ ରାଜନୈତିକ ଦଳ ପ୍ରସ୍ତୁତି ଆରମ୍ଭ କରି ଦେଲେଣି । ଏଥର ଆମ ଆଦମୀ ପାର୍ଟି(ଏଏପି) ଗୋଆରେ ନିର୍ବାଚନ ଲଢିବାକୁ ପସ୍ତୁତ ହେଲାଣି । ମଙ୍ଗଳବାର ଦଳର ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଗୋଆ ଗସ୍ତ କରିବାର କାର୍ଯ୍ୟକ୍ରମ ରହିଛି । ଏହା ପୂର୍ବରୁ ସୋମବାର ସେ କହିଛନ୍ତି ଉପକୂଳ ରାଜ୍ୟ ଗୋଆର ଘୃଣ୍ୟ ରାଜନୀତି ବହୁତ ହେଲାଣି ଏବେ ଗୋଆ ପରିବର୍ତ୍ତନ ଚାହେଁ । ବିକାଶ ଚାହେଁ । ସେଠାରେ ସବୁକିଛି ଅଛି ହେଲେ କେହି ବିଶ୍ୱସ୍ତ ନେତା ନାହାଁନ୍ତି । ହେଲେ ଭବିଷ୍ୟତରେ ଏଏପି ଏହାକୁ କରି ଦେଖାଇବ ବୋଲି କେଜରିୱାଲ କହିଛନ୍ତି । ଟୁଇଟର ମାଧ୍ୟମରେ କେଜରିୱାଲ ଗୋଆ ବିଧାନସଭାରେ ଏଏପି ଲଢିବାକୁ ପ୍ରସ୍ତୁତ ହେଉଥିବା କଥା ପରୋକ୍ଷ ଭାବେ କହିଛନ୍ତି ।
Goa wants change.
Enough of parties buying and selling MLAs. Enough of dirty politics. Goa wants development. There is no shortage of funds, only shortage of honest intent. Goa wants honest politics.
See you in Goa tomorrow.
— Arvind Kejriwal (@ArvindKejriwal) July 12, 2021
