ବେଙ୍ଗାଲୁରୁ,୨୯।୭: କର୍ନାଟକର ନୂଆ ମୁଖ୍ୟମନ୍ତ୍ରୀ ଭାବେ ବାସବରାଜ ବୋମାଇ ଦାୟିତ୍ୱ ଗ୍ରହଣ କରିଛନ୍ତି। ଏବେ ସୋସିଆଲ୍ ମିଡ଼ିଆରେ ମୁଖ୍ୟମନ୍ତ୍ରୀଙ୍କ ପୋଷା କୁକୁର ସନି ବେଶ୍ ଭାଇରାଲ ହେବାରେ ଲାଗିଛି। କିଛି ଦିନ ତଳେ ସନିର ମୃତ୍ୟୁ ଘଟିଥିଲା। କୁକୁରର ମୃତଦେହକୁ ବୋମାଇଙ୍କର ସ୍ତ୍ରୀ, ଝିଅ ଏବଂ ପୁଅ ଜାବୁଡ଼ି ଧରି କାନ୍ଦିଥିଲେ। ବୋମାଇ ମଧ୍ୟ ନିଜେ କୋହ ସମ୍ବରଣ କରି ପାରି ନ ଥିଲେ। ବୋମାଇ ଟୁଇଟ୍ କରି କୁକୁର ସନି ସମ୍ପର୍କରେ ଆବେଗପୂର୍ଣ୍ଣ ବାର୍ତ୍ତା ଲେଖିଥିଲେ। ଏବେ ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିବା ପରେ ଏସବୁ ଫଟୋ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି।