ନୂଆଦିଲ୍ଲୀ,୨୦ ।୭: ଲୋକ ସଭା ଅଧ୍ୟକ୍ଷ ଓମ ବିରଲା ଶିବସେନା ଶିନ୍ଦେ ଗ୍ରୁପର ସଂସଦର ନେତା ପରିବର୍ତ୍ତନ ଦାବିକୁ ସ୍ୱୀକାର କରି ନେଇଛନ୍ତି । ଏବେ ଗୃହରେ ଶିବସେନା ନେତା ହେବେ ରାହୁଲ ଶେୱାଲେ । ଏହାସହ ଭାବନା ଗବଲି ପୂର୍ବପରି ମୁଖ୍ୟ ସଚେତକ ଭାବେ କାର୍ଯ୍ୟ କରିବେ । ସ୍ପିକର ୧୨ ଜାନୁୟାରୀ ୧୯୮୮ରେ ଆଟର୍ଣ୍ଣି ଜେନେରାଲଙ୍କ ଦ୍ୱାରା ସୁପ୍ରିମକୋର୍ଟଙ୍କୁ ଦେଇଥିବା ବିଚାରର ଉଦାହରଣ ଦେଇ କହିଛନ୍ତି, ଯେଉଁଥିରେ କୁହାଯାଇଥିଲା କି କୌଣସି ପାର୍ଟିର ଲିଡର ସେହି ହେବେ ଯାହାଙ୍କ ନିକଟରେ ବହୁମତ ବା ସଂଖ୍ୟା ଗରିଷ୍ଠତା ଥିବ ।
ସ୍ପିକର ନିଜ ନିଷ୍ପତ୍ତି ସମ୍ପର୍କରେ ଗତ ବର୍ଷ ଜୁନରେ ଏଲଜେପି ଘଟଣାର ବି ଉଦାହରଣ ଦେଇଥିଲେ । ସେଥର ଦଳର ୬ ଜଣଙ୍କ ମଧ୍ୟରୁ ୫ ଜଣ ସଦସ୍ୟ ପଶୁପତି ପାରସଙ୍କୁ ନିଜ ନେତା ବାଛିଥିଲେ । ଏହାପୂର୍ବରୁ ମଙ୍ଗଳବାର ସନ୍ଧ୍ୟାରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ ଦାବି କରିଥିଲେ ଲୋକ ସଭାରେ ସ୍ପିକର ଓମ ବିରଲା ଶିବସେନା ନେତା ଭାବେ ରାହୁଲ ଶେୱାଲଙ୍କୁ ମାନ୍ୟତା ଦେଇଛନ୍ତି । ଶିନ୍ଦେ କହିଥିଲେ ଶିବସେନା ସଦସ୍ୟ ବାଲା ସାହେବ ଠାକରେଙ୍କ ଆଦର୍ଶକୁ ବଜାୟ ରଖିବାକୁ ଆମର ଚିନ୍ତାଧାରାକୁ ସମର୍ଥନ କରିଛନ୍ତି ।