ବଳରାମପୁର,୧୭ ।୧୦: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଶନିବାର ବଳରାମପୁରରେ ମିଶନ ଶକ୍ତି ଅଭିଯାନର ଶୁଭାରମ୍ଭ କରିଛନ୍ତି । ଏହି ଅବସରରେ ସେ ଘୋଷଣା କରିଛନ୍ତି କି ଏବେ ପୋଲିସରେ ୨୦ ପ୍ରତିଶତ ମହିଳାଙ୍କୁ ସୁଯୋଗ ମିଳିବ । ଏହି ଅଭିଯାନରେ ୨୪ ସରକାରୀ ବିଭାଗ ତଥା ଅନ୍ତରାଷ୍ଟ୍ରୀୟ ଓ ସାମାଜିକ ସଙ୍ଗଠନ ଯୋଡି ହେବେ । ବଳରାମପୁରରେ ଯୋଗୀ କହିଛନ୍ତି ମିଶନ ଶକ୍ତି ହେଉଛି ବଳାତ୍କାର ପୀଡ଼ିତାଙ୍କ ପ୍ରତି ଉପଯୁକ୍ତ ଶ୍ରଦ୍ଧାଞ୍ଜଳୀ । ସେ କହିଛନ୍ତି ଏବେ ବଳାତ୍କାର ମାମଲାର ଶୁଣାଣି ଫାଷ୍ଟ ଟ୍ରାକ୍ କୋର୍ଟ ମାଧ୍ୟମରେ କରାଯାଇ ତୁରନ୍ତ ଦୋଷୀଙ୍କୁ ଦଣ୍ଡ ବିଧାନ କରାଯିବାର ବ୍ୟବସ୍ଥା କରାଯିବ । ଏହାସହ ଦୋଷୀଙ୍କୁ କଠୋରରୁ କଠୋର ଦଣ୍ଡ ଦିଆଯିବ ବୋଲି ମଧ୍ୟ ସେ କହିଛନ୍ତି । ମିଶନ ଶକ୍ତି ଅଭିଯାନ ୨୫ ଅକ୍ଟୋବର ପର୍ଯ୍ୟନ୍ତ ଚାଲିବ । ଏହାପରେ ଆସନ୍ତା ବର୍ଷ ଏପ୍ରିଲ ମାସ ପର୍ଯ୍ୟନ୍ତ ପ୍ରତି ମାସରେ ଏକ ସପ୍ତାହ ଲେଖାଁ ଏହା ପାଳନ କରାଯିବ ।