ମୁମ୍ବାଇ: ୨୦୨୩ ବର୍ଷର ବ୍ଲକବଷ୍ଟର ଚଳଚ୍ଚିତ୍ର ‘ଆନିମଲ’ ବକ୍ସ ଅଫିସରେ ରେକର୍ଡ ଭାଙ୍ଗିଛି। ଏହି ଚଳଚ୍ଚିତ୍ର ସାରା ବିଶ୍ୱରେ ୯୦୦ କୋଟିରୁ ଅଧିକ ଆୟ କରିଛି, କିନ୍ତୁ ‘ଆନିମଲ’ର ଓଟିଟି ରିଲିଜକୁ ନେଇ ବିବାଦ ଉପୁଜିଛି। ଏହି ଚଳଚ୍ଚିତ୍ରଟି ଜାନୁଆରୀ ୨୬ରେ ଓଟିଟି ପ୍ଲାଟଫର୍ମ ନେଟଫ୍ଲିକ୍ସରେ ମୁକ୍ତିଲାଭ କରିବାର ରହିଛି, କିନ୍ତୁ ଏହାପୂର୍ବରୁ ଏହି ଚଳଚ୍ଚିତ୍ରର ସହ-ନିର୍ମାତା ବୋଲି ଦାବି କରୁଥିବା ସିନେ ୧ ଷ୍ଟୁଡିଓଜ ଓଟିଟି ସମେତ ଅନ୍ୟ ଚାରୋଟି ପ୍ଲାଟଫର୍ମରେ ଏହାର ରିଲିଜ୍ ବନ୍ଦ କରିବାକୁ ଦାବି କରିଛି। ସିନେ ଷ୍ଟୁଡିଓ ଫିଲ୍ମର ଡିଜିଟାଲ ଷ୍ଟ୍ରିମିଂ ଉପରେ ପ୍ରତିବନ୍ଧକ ଲଗାଇବାକୁ ଦିଲ୍ଲୀ ହାଇକୋର୍ଟରେ ଏକ ପିଟିଶନ ଦାଖଲ କରିଛି।
ସିନେ ୧ ଷ୍ଟୁଡିଓଜ ପ୍ରାଇଭେଟ୍ ଲିମିଟେଡ ସୁପର କ୍ୟାସେଟ ଇଣ୍ଡଷ୍ଟ୍ରିଜ ପ୍ରାଇଭେଟ୍ (ଟି-ସିରିଜ) ବିରୋଧରେ ଗୁରୁତର ଅଭିଯୋଗ ଆଣିଛି ଯେ ସେମାନେ ଚୁକ୍ତିନାମାକୁ ଉଲ୍ଲଂଘନ କରିଛନ୍ତି ଏବଂ ଗୋଟିଏ ପଇସା ମଧ୍ୟ ଦେଇନାହାନ୍ତି। ଏହାର ଜବାବରେ ସୁପର କ୍ୟାସେଟ୍ସ କହିଛି, ଆବେଦନକାରୀଙ୍କୁ ୨.୬ କୋଟି ଟଙ୍କା ପ୍ରଦାନ କରାଯାଇଛି, ଯାହାର ସବିଶେଷ ତଥ୍ୟ କୋର୍ଟରେ ପ୍ରକାଶ କରାଯାଇନାହିଁ।
ସିନେ ୧ ଷ୍ଟୁଡିଓଜ ପକ୍ଷରୁ କୁହାଯାଇଛି, ଫିଲ୍ମର ନିର୍ମାଣ ପାଇଁ ଦୁଇଟି ପ୍ରଡକ୍ସନ ହାଉସ ଚୁକ୍ତିନାମା କରିଥିଲା। ଚୁକ୍ତିନାମା ଅନୁଯାୟୀ, ସିନେ ୧ର ୩୫ ପ୍ରତିଶତ ଲାଭ ଅଂଶ ଥିଲା, କିନ୍ତୁ ସୁପର କ୍ୟାସେଟ୍ସ ଏହାକୁ ସିନେ ୧ ଷ୍ଟୁଡିଓଜର ଅନୁମୋଦନ ବିନା ଚଳଚ୍ଚିତ୍ର କରିବା, ପ୍ରମୋଟ ଏବଂ ରିଲିଜ ପାଇଁ ଖର୍ଚ୍ଚ କରିଥିଲା ଏବଂ କୌଣସି ବିବରଣୀ ବାଣ୍ଟି ନପାରି ବକ୍ସ ଅଫିସ ବିକ୍ରିରେ ଲାଭ କରିଥିଲା। ଏହା ସତ୍ତ୍ୱେ, ସିନେ ୧ ଷ୍ଟୁଡିଓଜକୁ ଗୋଟିଏ ପଇସା ମଧ୍ୟ ଦିଆଯାଇନଥିଲା ।