କ୍ରିକେଟ ଏବଂ ବଲିଉଡ ମଧ୍ୟରେ ସଂଯୋଗ ବହୁତ ପୁରୁଣା। ଶର୍ମିଳା ଟାଗୋର-ମନସୁର ଖାନ ପଟୌଦିଙ୍କ ଠାରୁ ଆରମ୍ଭ କରି ବିରାଟ କୋହଲି ଏବଂ ଅନୁଷ୍କା ଶର୍ମାଙ୍କ ଯୋଡି ପର୍ଯ୍ୟନ୍ତ କ୍ରିକେଟର ଏବଂ ଅଭିନେତ୍ରୀମାନଙ୍କ ପ୍ରେମ କାହାଣୀ ପ୍ରାୟତଃ ଚର୍ଚ୍ଚାରେ ଥାଏ। ଭାରତୀୟ ଦଳର କ୍ରିକେଟର୍ କୋଚ ରବି ଶାସ୍ତ୍ରୀ ଏବଂ ବଲିଉଡର ପ୍ରସିଦ୍ଧ ଅଭିନେତ୍ରୀ ଅମୃତା ସିଂ ପ୍ରେମ କାହାଣୀ କାହାକୁ ଅଛପା ନାହିଁି।
୧୯୮୦ ମସିହାରେ ରବି ଶାସ୍ତ୍ରୀ ଏବଂ ଅଭିନେତ୍ରୀ ଅମୃତା ସିଂଙ୍କ ପ୍ରେମ ସମ୍ପର୍କ ଖବର ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା। ସେତେବେଳେ ରବି ଶାସ୍ତ୍ରୀ ଭାରତୀୟ କ୍ରିକେଟ ଦଳର ସବୁଠାରୁ ଗୁରୁତ୍ୱପୂର୍ଣ୍ଣ ଥିଲେ ଏବଂ ସେଥିପାଇଁ ଲୋକମାନେ ତାଙ୍କୁ କ୍ରିକେଟ ଦଳର ‘ପୋଷ୍ଟର ବଏ’ ଡାକୁଥିଲେ। ଏହି କାରଣରୁ ଅମୃତା ତାଙ୍କ ପ୍ରେମରେ ପଡିଥିଲେ। ଉଭୟଙ୍କ ବିଷୟରେ ବେଶ୍ ଚର୍ଚ୍ଚା ଚାଲିଥିଲା। ମ୍ୟାଚ ସମୟରେ ଅମୃତା ରବି ଶାସ୍ତ୍ରୀଙ୍କୁ ଖୁସି କରିବା ପାଇଁ ଷ୍ଟାଡିୟମକୁ ଯାଉଥିଲେ। ଦୁହେଁ ଏକ ପତ୍ରିକାର କଭରରେ ଏକାଠି ଦେଖାଯିବା ପରେ ଉଭୟଙ୍କ ଘନିଷ୍ଠତା ସାମ୍ନାକୁ ଆସିଥିଲା। ଏକ ମାଗାଜିନ କଭରରେ ଏକାଠି ହେବା ପରେ ରବି ଏବଂ ଅମୃତାଙ୍କ ସମ୍ପର୍କ ୮୦ ଦଶକରେ ସବୁଠାରୁ ଚର୍ଚ୍ଚିତ ବିଷୟ ହୋଇଗଲା।
ସମୟ ସହିତ, ପ୍ରେମ ମଧ୍ୟ ଦ୍ରୁତ ଗତିରେ ଆକୁ ବଢିଥିଲା। ଉଭୟ କିଛି ବର୍ଷ ଡେଟିଂ ପରେ ୧୯୮୬ ମସିହାରେ ଉଭୟ ନିର୍ବନ୍ଧ କରିଥିଲେ। କିନ୍ତୁ ଏହାପରେ ଦୁହେଁ ଆଉ ବିବାହ କରି ନ ଥିଲେ। ସମ୍ପର୍କ କୌଣସି କାରଣରୁ ଭାଙ୍ଗିଯାଇଥିଲା।
ଏହାକୁ ଭୁୂଲି ରବି ୧୯୯୦ରେ ରିତୁଙ୍କୁ ବିବାହ କରିଥିଲେ। ୧୯୯୧ରେ ଅମୃତା ସିଂ ଅଭିନେତା ସୈଫ ଅଲି ଖାନଙ୍କୁ ବିବାହ କରିଥିଲେ। ତେବେ କିଛି ବର୍ଷ ପରେ ଅମୃତା ଏବଂ ସୈଫଙ୍କ ରାସ୍ତା ମଧ୍ୟ ଅଲଗା ହୋଇଗଲା।