ଭୁବନେଶ୍ୱର,୮।୯ : ମୃଦୁପାନୀୟ କମ୍ପାନୀ କୋକାକୋଲା ଏହାର ଭାରତ ତଥା ଦକ୍ଷିଣ ପଶ୍ଚିମ ଏସିଆ କାରବାରର ମୁଖ୍ୟ ଭାବେ ସଙ୍କେତ ରାଏଙ୍କୁ ନିଯୁକ୍ତ କରିଛି। ରାୟ ଭୁବନେଶ୍ୱର ବାସିନ୍ଦା ହୋଇଥିବା ବେଳେ ଏନ୍ଆଇଟି,ଭୋପାଳରୁ ମେକାନିକାଲ ଇଞ୍ଜିନିୟରିଂ ଏବଂ ଏକ୍ସଆଇଏମ୍ବିରୁ ଏମ୍ବିଏ ଡିଗ୍ରୀ ହାସଲ କରିଛନ୍ତି। ଓଡ଼ିଆ ଭାବେ ଏଭଳି ପଦବୀରେ ଅବସ୍ଥାପିତ ହୋଇଥିବାରୁ ଏହା ରାଜ୍ୟବାସୀଙ୍କ ଲାଗି ଗୌରବର ବିଷୟ। ସଙ୍କେତ ଡିଏମ୍ ସ୍କୁଲରୁ ପ୍ରାଥମିକ ଶିକ୍ଷା ପରେ ବିଜେବି କଲେଜରେ ଯୁକ୍ତ ୨ ଶିକ୍ଷା ଗ୍ରହଣ କରିଥିଲେ। ତାଙ୍କ ବାପା ଡ.ଏସ୍.କେ.ରାଏ ଜଣେ ପ୍ରାଣୀ ଚିକିତ୍ସକ।