ନୂଆଦିଲ୍ଲୀ,୧୫।୯: ଅନ୍ତଃରାଷ୍ଟ୍ରୀୟ ସ୍ତରରେ ଅସ୍ଥିରତା ସାଙ୍ଗକୁ ଭାରତରେ ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି ଜାରି ରହିଛି। ଏପରି କି ୨୦୨୨ ଅଗଷ୍ଟରେ ପାଇକାରୀ ମୁଦ୍ରାସ୍ଫୀତି ବା ହୋଲ୍ସେଲ୍ ମୂଲ୍ୟ ସୂଚକାଙ୍କ (ଡବ୍ଲ୍ୟୁପିଆଇ) ଆଧାରିତ ମୁଦ୍ରାସ୍ଫୀତି କ୍ରମାଗତ ୩ୟ ମାସ ପାଇଁ ହ୍ରାସ ପାଇଛି। ଗତ ୧୧ମାସ ମଧ୍ୟରେ ଏହା ସର୍ବନିମ୍ନ ୧୨.୪୧%କୁ ଖସିଥିବା ଜଣାପଡ଼ିଛି। ବିଶେଷକରି ଖାଦ୍ୟ ମୁଦ୍ରାସ୍ଫୀତି ବୃଦ୍ଧି ସତ୍ତ୍ୱେ ଉତ୍ପାଦିତ ଏବଂ ଇନ୍ଧନ ସାମଗ୍ରୀର ମୂଲ୍ୟ ଚାପ ଯୋଗୁ ଏଭଳି ହୋଇଛି ବୋଲି କୁହାଯାଇଛି। ବୁଧବାର କେନ୍ଦ୍ର ଶିଳ୍ପ ବିଭାଗ ଦ୍ୱାରା ପ୍ରକାଶିତ ଖାଦ୍ୟ ମୁଦ୍ରାସ୍ଫୀତି ଅଗଷ୍ଟରେ ୧୨.୩୭% କୁ ବୃଦ୍ଧି ପାଇଥିବା ଦେଖାଯାଇଛି। ଏପରିକି ଗହମ, ପନିପରିବା, ଫଳ ଏବଂ ପ୍ରୋଟିନ୍ଯୁକ୍ତ ସାମଗ୍ରୀର ମୂଲ୍ୟ ଏକବର୍ଷ ପୂର୍ବେ ତୁଳନାତ୍ମକ ଭାବେ ବୃଦ୍ଧି ପାଇଥିଲା। ସେହିଭଳି ଇନ୍ଧନ ପାଇଁ ମୁଦ୍ରାସ୍ଫୀତି (୩୩.୬୭%) ଏବଂ ଉତ୍ପାଦିତ କ୍ଷେତ୍ର ୭.୫୧%କୁ ହ୍ରାସ ପାଇଛି। ବିଶ୍ୱର ମନ୍ଥର ଗତି ମଧ୍ୟରେ ପ୍ରମୁଖ ଦ୍ରବ୍ୟ ମୂଲ୍ୟରେ ନରମ ହେବା ଦ୍ୱାରା ଉପକୃତ ହୋଇ ମୂଳ ପାଇକାରୀ ମୁଦ୍ରାସ୍ଫୀତି ଅଗଷ୍ଟରେ ଗତ ୧୭ ମାସର ୭.୯% କୁ ଖସି ଆସିଛି।