ନିଶ୍ଚିନ୍ତକୋଇଲି,୨୨ା୯(ସ୍ବ.ପ୍ର.): କଟକ ଜିଲା ନିଶ୍ଚିନ୍ତକୋଇଲି ଫୁଡ୍, ଡ୍ରଗ୍ସ ଓ ଅବକାରୀ ବିଭାଗ ପକ୍ଷରୁ ମିଳିତ ଭାବେ ବିଭିନ୍ନ ଜଳଖିଆ,ପାନ ଦୋକାନ ଉପରେ ଚଢ଼ାଉ ସହ ଜରିମାନା ଆଦାୟ କରାଯାଇଛି। କଟକ ଫୁଡ୍ ଇନ୍ସପେକ୍ଟର ରାକେଶ ସାହୁ,ଡ୍ରଗ୍ସ ଇନ୍ସପେକ୍ଟର ସୁଶୀଲ ସାହୁ, ମଙ୍ଗଳ ଅଧିକାରୀ ଦେବେନ୍ଦ୍ର ପ୍ରସାଦ ମହାନ୍ତି ନିଶ୍ଚିନ୍ତକୋଇଲି ଥାନା ପୋଲିସ ସହାୟତାରେ ବିଭିନ୍ନ ଦୋକାନ ଉପରେ ଚଢ଼ାଉ କରାଯାଇଛି। ବହୁ ପାନ ଦୋକାନରୁ ଜର୍ଦ୍ଦା, ଗୁଟ୍ଖା ଜବତ କରିଛି । ମିଠା ପ୍ରସ୍ତୁତି ତାରିଖ ଲେଖା ନ ଯିବାରୁ ଜଳଖିଆ ଦୋକାନରୁ ଜରିମାନା ଆଦାୟ କରାଯାଇଛି। ଚଢ଼ାଉ ଶେଷ ହେବା ପରେ ସମ୍ପୂର୍ଣ୍ଣ ବିବରଣୀ ମିଳିବ ବୋଲି ଅଧିକାରୀମାନେ ପ୍ରକାଶ କରିଛନ୍ତି।
