ଛତ୍ରପୁର,୧୬ା୧୧(ସନ୍ତୋଷ ପାଢ଼ୀ): ଗଞ୍ଜାମ ଜିଲା ଛତ୍ରପୁର ଥାନା ଅଧୀନ ମହିଳା ମହାବିଦ୍ୟାଳୟ ପାଖରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଯୁକ୍ତ ୩ ତୃତୀୟ ବର୍ଷର ଛାତ୍ରୀଙ୍କୁ ୨ଜଣ ଯୁବକ ଅଶ୍ଲୀଳ ଭାଷାରେ ଗାଳିଗୁଲଜ କରି ମାଡ଼ ମାରୁଥିଲେ। ଯୁବକ ଜଣକ ଦେଖି ଦୁଇଜଣଙ୍କୁ ଅଟକ ରଖି ପୋଲିସକୁ ହସ୍ତାନ୍ତର କରିଥିଲେ।
ଛାତ୍ରୀ ଜଣଙ୍କ ଏତଲା କ୍ରମେ ପୋଲିସ ଏକ ମାମଲା(ନଂ. ୭୬୬/୨୩) ରୁଜୁ କରି ୨ ଯୁବକଙ୍କୁ ଗିରଫ କରିଥିଲା। ପରେ ଗିରଫ ୨ ଯୁବକଙ୍କୁ କୋର୍ଟ ଚାଲାଣ କରାଯାଇଥିବା ଏଏସ୍ଆଇ ବି.ଏନ. ଜେନା ସୂଚନା ଦେଇଛନ୍ତି। ଗିରଫ ଯୁବକ ହେଲେ ବଡମାଧପୁର ଗ୍ରାମର ପଙ୍କଜ ପରିଡ଼ା ଓ ଶାନ୍ତନୁ ପରିଡ଼ା।