ଇଟାନଗର,୨୩।୪ : କେନ୍ଦ୍ର ଆଇନ ମନ୍ତ୍ରୀ କିରେନ ରିଜିଜୁ ଲଗାତାଲ ସୁପ୍ରିମକୋର୍ଟର କଲେଜିୟମ ବ୍ୟବସ୍ଥା ବିରୋଧରେ ସ୍ବର ଉତ୍ତୋଳନ କରୁଛନ୍ତି। ବର୍ତ୍ତମାନ ତାଙ୍କର ସଦ୍ୟତମ ବିବୃତ୍ତିରେ ରିଜିଜୁ କହିଛନ୍ତି, କଲେଜିୟମ ପ୍ରସଙ୍ଗ କେବଳ ଏକଏକ ମାଇଣ୍ଡ ଗେମ୍ ଏବଂ ସେ ଏହା ବିଷୟରେ କହିବେ ନାହିଁ। ସୁପ୍ରିମକୋର୍ଟ କଲେଜିୟମର ବିଚାରାଧୀନ ସୁପାରିଶ ବିଷୟରେ ରିଜିଜୁଙ୍କୁ ପଚରାଯାଇଥିଲା। ସେ ଏହାର ଉତ୍ତର ଦେଇଥିଲେ। ଅରୁଣାଚଳ ପ୍ରଦେଶରେ ୪-ଜି ସେବା ସହିତ୨୫୪ ମୋବାଇଲ ଟାୱାରର ଉଦଘାଟନ କାର୍ଯ୍ୟକ୍ରମରେ ଯୋଗଦେଇ ସେ ଏଭଳି କହିଛନ୍ତି।
ହାଇକୋର୍ଟ ଏବଂ ସୁପ୍ରିମକୋର୍ଟର ବିଚାରପତିଙ୍କ ନିଯୁକ୍ତିରେ କେନ୍ଦ୍ର ସରକାର ଏବଂ ସୁପ୍ରିମକୋର୍ଟଙ୍କ ମଧ୍ୟରେ ଅନେକ ବିବାଦ ଦେଖାଦେଇଛି, କିନ୍ତୁ ନିକଟ ଅତୀତରେ ଏହି ବିବାଦ ଆହୁରି ଗଭୀର ହୋଇଛି। ଯେଉଁଠାରେ କେନ୍ଦ୍ର ସରକାର କଲେଜିୟମ ବ୍ୟବସ୍ଥା ଉପରେ ପ୍ରଶ୍ନ କରୁଛନ୍ତି। କେନ୍ଦ୍ର ଆଇନ ମନ୍ତ୍ରୀ ାଙ୍କର ଏକ ବିବୃତ୍ତିରେ କଲେଜିୟମ ବ୍ୟବସ୍ଥାକୁ ସମ୍ବିଧାନ ବାହାରେ ଏବଂ ଏପରିକି ବିଦେଶୀ ବୋଲି କହିଛନ୍ତି। ସରକାର କହିଛନ୍ତି, ଜାତୀୟ ନ୍ୟାୟିକ ନିଯୁକ୍ତି ଆୟୋଗ ଅଧୀନରେ ନ୍ୟାୟପାଳିକାରେ ନିଯୁକ୍ତି ଦିଆଯାଉ। ଏଥି ସହିତ ସୁପ୍ରିମକୋର୍ଟ କଲେଜିୟମ ବ୍ୟବସ୍ଥା ବଜାୟ ରଖିବା ସପକ୍ଷରେ ଅଛନ୍ତି। ଫଳରେ ଏହା ସରକାର ଏବଂ ସୁପ୍ରିମକୋର୍ଟଙ୍କ ମଧ୍ୟରେ ବିବାଦର କାରଣ ହୋଇ ରହିଛି।
ଏକ ନ୍ୟୁଜ ଚ୍ୟାନେଲ କାର୍ଯ୍ୟକ୍ରମରେ ଯୋଗଦେଇ ରିଜିଜୁ କହିଥିଲେ, ଯେପର୍ଯ୍ୟନ୍ତ କଲେଜିୟମ ବ୍ୟବସ୍ଥା ଅଛି ସେ ପର୍ଯ୍ୟନ୍ତ ବିଚାରପତିଙ୍କ ନିଯୁକ୍ତିକୁ ନେଇ ବିବାଦ ଦେଖାଦେବ। ଯେବେଠାରୁ କଲେଜିୟମ ବ୍ୟବସ୍ଥା ଆରମ୍ଭ ହେଲା, ହାଇକୋର୍ଟର ତିନିଜଣ ବରିଷ୍ଠ ବିଚାରପତି ହାଇକୋର୍ଟର ପରବର୍ତ୍ତୀ ବିଚାରପତି କିଏ ହେବେ ତାହା ସ୍ଥିର କରନ୍ତି। ସେମାନେ ଏହି ନାମ ସୁପାରିଶ ପାଇଁ ପଠାନ୍ତି । ସେହିଭଳି ସୁପ୍ରିମକୋର୍ଟରେ ପାଞ୍ଚଜଣ ବରିଷ୍ଠ ବିଚାରପତି ନାମ ସ୍ଥିର କରନ୍ତି ଏବଂ ସେମାନଙ୍କ ବୁଝାମଣା ଆଧାରରେ ନିଷ୍ପତ୍ତି ନିଅନ୍ତି। ବିଚାରପତିମାନେ କେବଳ ସେହିମାନଙ୍କ ନାମ ପଠାନ୍ତି ଯେଉଁମାନଙ୍କୁ ସେମାନେ ଭଲଭାବେ ଜାଣିଥାନ୍ତି।