ମୁମ୍ବାଇ: କମେଡି ଜଗତର ବେତାଜ ବାଦଶାହ କପିଲ ଶର୍ମାଙ୍କ ଶୋ’ ଏମିତି କିଛି କ୍ୟାରେକ୍ଟର ଦର୍ଶକଙ୍କୁ ଭେଟି ଦେଇଛନ୍ତି, ଯେଉଁମାନଙ୍କୁ ଦର୍ଶକେ ରିୟଲ ନେମ ଅପେକ୍ଷା ସେମାନଙ୍କ ରିଲ ନେମରେ ଜାଣିଛନ୍ତି । ଏମାନଙ୍କ ମଧ୍ୟରୁ ଜଣେ ହେଉଛନ୍ତି ଅଲି ଅସଗର । ସେ କପିଲ ଶର୍ମା ଶୋ’ରେ ଦାଦି ଭୂମିକାରେ ନଜର ଆସିଥାଆନ୍ତି । ଲୋକଙ୍କୁ ଜବରଦସ୍ତି କିସ୍ କରନ୍ତି ଆଉ ଖୁବ୍ ହସାନ୍ତି । ସେ ସୁଟ ସହ ଜୋତା ପିନ୍ଧନ୍ତି । ହେଲେ କିଛିଦିନ ହେବ ସେ ଶୋ’ରୁ ଗାୟବ ଅଛନ୍ତି । ହେଲେ ଏହି ନିକଟରେ ଆଉ ତାଙ୍କୁ କପିଲ ଶର୍ମା ଶୋ’ରେ ଦେଖିବାକୁ ମିଳିବ ନାହିଁ ବୋଲି କୁହାଯାଉଛି ।
କାରଣ ଏବେ ଦାଦି ଦର୍ଶକଙ୍କୁ ଏଣ୍ଟରଟେନମେଣ୍ଟ ଦେବାକୁ ଡ୍ୟାନ୍ସ ରିୟଲିଟି ଶୋ’ ‘ଝଲକ ଦିଖ ଲାଜା’ରେ ନଜର ଆସିବାକୁ ଯାଉଛନ୍ତି । ଏହି ରିପୋର୍ଟ ଆସିବା ପରେ ଦର୍ଶକେ ଖୁବ୍ ଏକ୍ସାଇଟେଡ ଅଛନ୍ତି । ଏହି ଶୋ’ରେ ଟୋନି କକ୍କଡ ଓ ସୁମିତ ବ୍ୟାସଙ୍କୁ ବି ଦେଖିବାକୁ ମିଳିବ । ଶୋ’ ଝଲକ ଦିଖ ଲାଜାରେ ମାଧୁରୀ ଦିକ୍ଷିତ, ଫିଲ୍ମମେକର କରନ ଜୋହର ଓ ନୋରା ଫତେହି ନଜର ଆସିବେ । ଏହି ଶୋ’ ୨୦୧୭ରେ ଶେଷଥର ପ୍ରାଇଁ ପ୍ରସାରିତ ହୋଇଥିଲା । ଦୀର୍ଘ ୫ ବର୍ଷ ପରେ ଏହା ପୁଣିଥରେ ଫେରୁଛି । ସେଥିପାଇଁ ଦର୍ଶକେ ଉତ୍ସୁକତାର ସହ ଅପେକ୍ଷା ରଖିଛନ୍ତି ।
