![](https://www.dharitri.com/wp-content/uploads/2022/10/n-13-23.jpg)
ନୂଆଦିଲ୍ଲୀ,୨୯।୧୦ : ଭାଜପା ସଂସଦୀୟ ବୋର୍ଡରୁ ବାଦ ପଡ଼ିବା ପରେ କେନ୍ଦ୍ର ମନ୍ତ୍ରୀ ନୀତିନ ଗଡକରୀ ତାଙ୍କ ବିବୃତ୍ତି ପାଇଁ ଗଣମାଧ୍ୟମର ଶୀର୍ଷରେ ରହିଛନ୍ତି। ଭାରତୀୟ ଜନତା ଦଳର ବରିଷ୍ଠ ନେତାମାନେ ସର୍ବଦା ସେମାନଙ୍କ ବକ୍ତବ୍ୟ ବିଷୟରେ ଆଲୋଚନାରେ ରହିଥାନ୍ତି। ଇତିମଧ୍ୟରେ, ବମ୍ବେ ଷ୍ଟକ ଏକ୍ସଚେଞ୍ଜରେ ଇନଭିଷ୍ଟ ଏନସିଡି ତାଲିକାଭୁକ୍ତ ହେବା ଅବସରରେ ନିତିନ ଗାଡକରୀ ଏକ ବଡ଼ ବିବୃତ୍ତି ଦେଇ କହିଛନ୍ତି ଯେ ଏହି ଐତିହାସିକ ମୂହୁର୍ତ୍ତ ନେଇ ମୁଁ ବେଶ ଆନନ୍ଦିତ।
ସେ କହିଛନ୍ତି ଯେ ଭିତ୍ତିଭୂମି କ୍ଷେତ୍ରରେ ଦେଶର ସାଧାରଣ ନାଗରିକଙ୍କୁ ପୁଞ୍ଜି ବିନିଯୋଗ ସୁଯୋଗ ଦେବା ପାଇଁ ସରକାର ଇନଭିଷ୍ଟ ଏନସିଡି ଗଠନ କରିଛନ୍ତି। ଏଥିମଧ୍ୟରୁ ୨୫ ପ୍ରତିଶତ ଏନସିଡିର ଅଣ ପରିବର୍ତ୍ତନଶୀଳ ଡିଭେଞ୍ଜର ଖୁଚୁରା ନିବେଶକାରୀଙ୍କ ପାଇଁ ସଂରକ୍ଷିତ ରଖାଯାଇଛି। ଫଳରେ ଏଣିକି ସାଧାରଣ ଲୋକେ ବି ସରକାରଙ୍କ ବ୍ୟବସାୟିକ ଅଂଶୀଦାର ହୋଇ ପାରିବେ।