ବଡୋଦରା,୩୦।୮: ଗୁଜରାଟ ବଡୋଦରାରେ ଗଣେଶ ଯାତ୍ରା ସମୟରେ ହିଂସାକାଣ୍ଡ ଘଟିଛି। ସୋମବାର ରାତିରେ ଏକ ସମ୍ବେଦନଶୀଳ ଅଞ୍ଚଳରୁ ଗଣେଶ ଯାତ୍ରା ବାହାରୁଥିବା ବେଳେ ୨ଗୋଷ୍ଠୀ ମୁହାଁମୁହିଁ ହୋଇଛନ୍ତି। ଏହି ସମୟରେ ୨ଗୋଷ୍ଠୀ ମଧ୍ୟରେ ହିଂସା ଘଟିବା ପରେ ପଥରମାଡ଼ ହୋଇଥିଲା। ତେବେ ଏହି ପଥରମାଡ଼ରେ କେହି ଆହତ ହୋଇଥିବା ସୂଚନା ମିଳିନାହିଁ। ପୋଲିସ ଏହି ମାମଲାରେ ଏଫ୍ଆଇଆର ରୁଜୁ କରିବା ସହ ୧୩ଜଣଙ୍କୁ ଗିରଫ କରିଛି। ବର୍ତ୍ତମାନ ଉକ୍ତ ଅଞ୍ଚଳରେ ପରିସ୍ଥିତି ଶାନ୍ତ ଥିବା ବେଳେ ସୁରକ୍ଷା ଦୃଷ୍ଟିରୁ ପୋଲିସ ସେଠାରେ ପାଟ୍ରୋଲିଂକୁ ବଢ଼ାଇଦେଇଛି।