ନୂଆଦିଲ୍ଲୀ,୩।୬:ଦେଶରେ କରୋନା ମହାମାରୀ ସଂକ୍ରମଣ ଯୋଗୁ ସ୍ଥିତି ସଙ୍କଟ ଜନକ ହେବାରେ ଲାଗିଛି। କରୋନା ସଂକ୍ରମଣରୁ ଦୂରେଇ ରହିବା ଲାଗି ସରକାରଙ୍କ ପକ୍ଷରୁ ସାର୍ବଜନୀକ ଟିକାକରଣ ଅଭିଯାନ ଜାରି ରହିଛି। ତେବେ ଭାକ୍ସିନ୍ ଅଭାବ ଯୋଗୁ ଟିକାଦାନ ପ୍ରକ୍ରିୟାରେ ସାମୟିକ ବାଧା ସୃଷ୍ଟି ହୋଇଛି। ବିଦେଶୀ ଭାକ୍ସିନ୍ ମର୍ଡନା ଏବଂ ଫାଇଜର ଟିକା ଭାରତରେ ଦିଆଯିବା ଲାଗି ସମସ୍ୟା ଦେଖାଦେଇଛି। ଏସବୁ ଭାକ୍ସିନ୍ ଯୋଗୁ ସୃଷ୍ଟି ହେଉଥିବା ବିଭିନ୍ନ ସ୍ବାସ୍ଥ୍ୟଗତ ସମସ୍ୟା ଏକ୍ଷେତ୍ରରେ ପ୍ରତିବନ୍ଧକ ସାଜିଛି। ଭାକ୍ସିନ୍ର ଡୋଜ୍ ନେବା ପରେ ଜୀବନ ଗଲେ ଅବା କୌଣସି କ୍ଷୟକ୍ଷତି ଘଟିଲେ ସେଥିପାଇଁ ଦୁଇ କମ୍ପାନୀ ଜବାବଦେହୀରୁ ବର୍ତ୍ତିବା ପାଇଁ ଭାରତ ସରକାରଙ୍କ ନିକଟରେ ଦାବି କରିଛନ୍ତି। ମର୍ଡନା ଏବଂ ଫାଇଜର ଶୈଳୀରେ କୋଭିଶିଲ୍ଡ ଭାକ୍ସିନ୍ ନିର୍ମାତା ସେରମ୍ ଇନିଷ୍ଟଚ୍ୟୁଟ୍ ଜବାବଦେହୀରୁ ଦୂରେଇ ରହିବାକୁ ଦାବି କରିଛି। ଏକ୍ଷେତ୍ରରେ ସରକାରଙ୍କକ ପକ୍ଷରୁ ସୁରକ୍ଷା ଯୋଗାଇ ଦିଆଯିବା ଲାଗି ସେରମ୍ ଇନଷ୍ଟିଚ୍ୟୁଟ୍ କହିଛି।
