ଥ୍ରେଡ୍ସକୁ ଧମକ ଦେଲା ଟୁଇଟର, କହିଲା ପ୍ରତିଯୋଗିତା ଭଲ, ପ୍ରତାରଣା ନୁହେଁ

ନୁୟର୍କ,୭।୭: ମେଟାର ନୂଆ ଟେଷ୍ଟ-ଆଧାରିତ ଆପ ଥ୍ରେଡ୍ସ ଆପ ଆରମ୍ଭ ହେବା ଦିନଠାରୁ ଆଇନଗତ ବିବାଦରେ ପରିଣତ ହୋଇଛି। ଏହାର ପ୍ରତିଦ୍ୱନ୍ଦ୍ୱୀ ଟୁଇଟର ମକଦ୍ଦମାର ଧମକ ଦେଇଛି। ଥ୍ରେଡ୍ସ ଏହାକୁ କପି କରିଥିବା ଅଭିଯୋଗ କରିଛି। ଉଲ୍ଲେଖନୀୟ ଯେ, ଗୁରୁବାର ଥ୍ରେଡ୍ସ ଲଞ୍ଚ ହେବା ପରେ ଏବେ ପର୍ଯ୍ୟନ୍ତ ପ୍ରାୟ ୩୦ ନିୟୁତ ଲୋକ ଏହାକୁ ଡାଉନଲୋଡ କରିସାରିଲେଣି।

ବାସ୍ତବରେ, ଟୁଇଟର ବିନା ବ୍ଲୁ ଟିକ ବ୍ୟବହାରକାରୀଙ୍କ ପୋଷ୍ଟ ସଂଖ୍ୟା ନିର୍ଦ୍ଧାରିତ କରିଥିଲା। ବର୍ତ୍ତମାନ କମ୍ପାନୀ ବିନା ବ୍ଲୁ ଟିକ ବ୍ୟବହାରକାରୀଙ୍କ ଟୁଇଟଡେକ ବ୍ୟବହାର ଉପରେ ପ୍ରତିବନ୍ଧକ ଲଗାଇଛି । ମସ୍କଙ୍କ ଏହି ନିଷ୍ପତ୍ତିକୁ ବହୁତ ବିରୋଧ କରାଯାଇଛି ଏବଂ ବ୍ୟବହାରକାରୀମାନେ ମଧ୍ୟ ଟୁଇଟର ପାଇଁ ଏକ ବିକଳ୍ପ ଖୋଜୁଛନ୍ତି। ଏଭଳି ପରିସ୍ଥିତିରେ ମେଟାର ଏକ ନୂତନ ଆପ ଲଞ୍ଚ କରିବା ଏକ ଲାଭଜନକ କାରବାର ହୋଇପାରେ।

ବର୍ତ୍ତମାନ ଟୁଇଟର ସିଇଓ ଏଲନ ମସ୍କ ମଧ୍ୟ ଥ୍ରେଡ୍ସ ଆପ ସମ୍ବନ୍ଧରେ ନୀରବତା ଭାଙ୍ଗିଛନ୍ତି। ତାଙ୍କ ଓକିଲ ଆଲେକ୍ସ ସ୍ପିରୋ ମେଟା ସିଇଓ ମାର୍କ ଜୁକରବର୍ଗଙ୍କୁ ଚିଠି ଲେଖି ତାଙ୍କୁ କୋର୍ଟକୁ ନେବାକୁ ଧମକ ଦେଇଛନ୍ତି। ସେମାନେ ମେଟାକୁ ଟୁଇଟରର ବାଣିଜ୍ୟ ରହସ୍ୟ ଏବଂ ଅନ୍ୟାନ୍ୟ ବୈଦ୍ଧିକ ସମ୍ପତ୍ତିର ବେଆଇନ ଅପବ୍ୟବହାର କରିଥିବା ଅଭିଯୋଗ କରିଛନ୍ତି। କେବଳ ଏତିକି ନୁହେଁ ଜୁକରବର୍ଗଙ୍କୁ ମଧ୍ୟ ପୂର୍ବତନ ଟୁଇଟର କର୍ମଚାରୀଙ୍କୁ ନିଯୁକ୍ତି ଦିଆଯାଇଥିବା ଅଭିଯୋଗ ହୋଇଛି।