ପାଟନା,୧୮ ।୧୨: ବଲିଉଡ୍ ଅଭିନେତ୍ରୀ କଙ୍ଗନା ରାନାୱତ ଆଜିକାଲି ନିଜ ଫିଲ୍ମ ଅପେକ୍ଷା ରାଜନୈତିକ ବୟାନ ବାଜିକୁ ନେଇ ରହୁଛନ୍ତି ଚର୍ଚ୍ଚାରେ । ଏମିତି କେତେଥର ଦେଖାଗଲାଣି ସେ ନିଜ ବୟାନକୁ ନେଇ ଆସିଯାଉଛନ୍ତି ବିବାଦ ଘେରକୁ । ନିକଟରେ ବିହାର ଗୟା ଜିଲାରେ ରାଷ୍ଟ୍ରୀୟ ଲୋକ ସମତା ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଉପେନ୍ଦ୍ର କୁଶାୱାହଙ୍କ ଉପରେ ଟିପ୍ପଣି ଦେଇ ଫସି ଯାଇଛନ୍ତି ଅଭିନେତ୍ରୀ । ଏହାକୁ ନେଇ କଙ୍ଗନାଙ୍କ ନାଁରେ ଗୟା ସିଭିଲ କୋର୍ଟରେ ମାମଲା ରୁଜୁ କରାଯାଇଛି । ସୂଚନାଯୋଗ୍ୟ, କଙ୍ଗନା ନିକଟରେ ଉପେନ୍ଦ କୁଶାସ୍ୱାହଙ୍କ ଉପରେ ଟିପ୍ପଣି ପରେ ଟିପ୍ପଣି ଦେଇ ଚାଲିଥିଲେ । ଏହା ଆପତ୍ତି ଜନକ ଓ ମାନ-ସମ୍ମାନ ହାନି ବୋଲି ଦର୍ଶାଇ କୋର୍ଟରେ ମାମଲା ରୁଜୁ କରାଯାଇଥିବା କହିଛନ୍ତି ଆଇନଜୀବୀ ଶମ୍ଭୁ ପ୍ରସାଦ । ସୂଚନା ଅନୁଯାୟୀ, କଙ୍ଗନା ଉପେନ୍ଦ୍ରଙ୍କ ନିର୍ବାଚନ ସଭାର ବ୍ୟଙ୍ଗ କରାଯାଇଥିବା ଏକ ଟୁଇଟ୍କୁ ରିଟୁଇଟ୍ କରିଥିଲେ ।