ଭୁବନେଶ୍ୱର,୨୫।୧(ବ୍ୟୁରୋ): ସମାଜରେ ଉତ୍ତମ ଜୀବନ ବଞ୍ଚତ୍ବାପାଇଁ ଶିକ୍ଷା ଆମମାନଙ୍କୁ ସଂସ୍କାର ଦେଇଥାଏ। ଶିକ୍ଷାଭାବରୁ ଅନେକେ ଅପରାଧ ଦୁନିଆରେ ପାଦ ଦେବା ପରେ ସେମାନଙ୍କ ଜୀବନ ଅନ୍ଧକାରକୁ ଠେଲି ହୋଇଯାଉଛି। ସେମାନଙ୍କ ଜୀବନଙ୍କୁ ଆଲୋକିତ କରିବା ପାଇଁ ଜେଲ ମାନୁଆଲରେ ଅନେକ ସଂସ୍କାର ଅଣାଯାଉଛି। ଏହି ପରିପ୍ରେକ୍ଷୀରେ ଆସନ୍ତା ୨୬ ତାରିଖରୁ ଝାରପଡା ସ୍ବତନ୍ତ୍ର କାରାଗାରରେ କମ୍ୟୁଟର ଶିଖିବେ କଏଦୀ। ଏଥିପଇଁ ୩୦ଟି କମ୍ପ୍ୟୁଟରର ବ୍ୟବସ୍ଥା କରାଯାଇଛି। ସେହିପରି ପାଠ ପଢିବା ପାଇଁ ଆରମ୍ଭ କରାଯାଇଛି ଇ-ଲାଇବ୍ରେରୀ। ଏହା କଏଦୀଙ୍କୁ ଜେଲରୁ ବାହାରିବା ପରେ ସମାଜର ମୁଖ୍ୟ ସ୍ରୋତରେ ସାମିଲ ହେବା ସହ ସୁସ୍ଥ ଜୀବନ ବଞ୍ଚତ୍ବାରେ ସହାୟକ ହେବ। ଏବେ ଝାରପଡା ସ୍ବତନ୍ତ୍ର ଜେଲରେ ରହି ୮୦ଜଣ ଇଗ୍ନୋରେ ପାଠ ପଢୁଛନ୍ତି। ଜେଲରେ ରହି ଯୁକ୍ତ୨, ଯୁକ୍ତ ୩ ଓ ପିଜି କରୁଛନ୍ତି କଏଦୀ। ସେମାନଙ୍କ ବୈଷୟିକ ଶିକ୍ଷାକୁ ମଧ୍ୟ ଗୁରୁତ୍ୱ ଦିଆଯାଉଛି। ଖବରକାଗଜ ସହ ମହାପୁରୁଷଙ୍କ ଆତ୍ମଜୀବନୀ ପଢିବାକୁ ଦିଆଯାଉଛି। ଖୁବଶୀଘ୍ର ଜେଲରେ କ୍ଳାସ ବ୍ୟବସ୍ଥା କରାଯିବ। ଜେଲ ଶ୍ରେଣୀ ଗୃହରେ ପାଠପଢି ଉଚ୍ଚ ଶିକ୍ଷିତ ହେବେ କଏଦୀ। ଜେଲ ମାନୁଆଲରେ ପରିବର୍ତ୍ତନ ପରେ ଏଭଳି ବ୍ୟବସ୍ଥା କରାଯାଉଛି ବୋଲି ଜେଲ ସୁପରିଣ୍ଟେଣ୍ଡେନ୍ତ ଧିରେନ୍ଦ୍ର ନାଥ ବାରିକ ସୂଚନା ଦେଇଛନ୍ତି। ପୂର୍ବରୁ ଝାରପଡା ଜେଲରେ ଅନ୍ତେବାସୀଙ୍କୁ ସ୍ବଚ୍ଛ ପାନୀୟ ଦେବାକୁ ବ୍ୟବସ୍ଥା ହୋଇଥିବାବେଳେ ଅନ୍ତେବାସୀଙ୍କ ଜୀବନ ଶୈଳୀରେ ଉନ୍ନତି ଆଣିବା ପାଇଁ ଆଗକୁ ଅଧିକ ଯୋଜନା କାର୍ଯ୍ୟକାରୀ କରାଯିବ ବୋଲି ସେ କହିଛନ୍ତି।
