ଗଞ୍ଜାମ,୧୧ା୨(ବିଦ୍ୟାଧର ସାହୁ): ବିଭିନ୍ନ ସମୟରେ ଅନେକ ଲୋକ ସାଇବର ଠକେଇର ଶିକାର ହେଉଛନ୍ତି। ଏହାକୁ ରୋକିବା ପାଇଁ ଜନ ସଚେତନତା ସୃଷ୍ଟି କରିବା ନିମନ୍ତେ ଗଞ୍ଜାମ ଥାନା ପକ୍ଷରୁ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଆଇପିଏସ ଅଧିକାରୀ ମନୀଷା ମିନାଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯକ୍ରମରେ ବଡ଼ ବଜାର, ସାନ ବଜାର, ପୁଇଁତୋଳାର ବଣିକ ଓ ଗଞ୍ଜାମ ବ୍ଲକର ବ୍ୟକ୍ତିମାନେ ଉପସ୍ଥିତ ଥିଲେ। ଥାନାଧିକାରୀ ସୁମିତ୍ରା ପାତ୍ର, ଏସଆଇ ଅନିରୁଦ୍ଧ ସ୍ବାଇଁ, ଏଏସଆଇ ଜି. ଅନନ୍ତ ରାଓ କିଭଳି ସାଇବର ଠକେଇରୁ ବର୍ତ୍ତିହେବ ସଚେତନ କରିଥିଲେ। ସୁଧିର ପାଢ଼ୀ, କାହ୍ନୁ ଚରଣ ପଣ୍ଡା, ସରପଞ୍ଚ ପ୍ରତିନିଧି ବିଦ୍ୟାଧର ପ୍ରଧାନ, ସରପଞ୍ଚ ଅଜୟ ନାୟକ, ବିଶ୍ୱନାଥ ତରାଇ ପ୍ରମୁଖ ଉପସ୍ଥିତ ଥିଲେ।
