ଅନ୍ତର୍ଜାତୀୟସ୍ତରରେ ଚିନ୍ତା ବଢ଼ିଲା: ଯେକୌଣସି ହ୍ୟାକିଂ କରିବା କ୍ଷମତା ହାସଲ କଲା ଚାଇନା…

ବେଜିଂ,୭।୧ : ଚାଇନାର ଗବେଷକମାନେ ଏକ ଚମତ୍କାର ଦାବି କରିଛନ୍ତି। ସମଗ୍ର ବିଶ୍ୱରେ କମ୍ପ୍ୟୁଟର ସୁରକ୍ଷା ବିଶେଷଜ୍ଞମାନେ ସତ୍ୟ ଜାଣିବା ପାଇଁ ଚେଷ୍ଟା କରୁଛନ୍ତି। ଯଦି ଚାଇନାର ଅନୁସନ୍ଧାନକାରୀଙ୍କ ଦାବି ସତ, ତେବେ ଏହାର ଅର୍ଥ ହେଉଛି ଯେ ଚାଇନ ଦୁନିଆର ଯେକୌଣସି ଅନଲାଇନ ଏନକ୍ରିପଶନ ବା ପାସୱାର୍ଡ ଭାଙ୍ଗିବାରେ ସକ୍ଷମ ହେବ।

ପୂର୍ବରୁ ବିଶେଷଜ୍ଞମାନେ ପୂର୍ବାନୁମାନ କରିଥିଲେ ଯେ, ଏପରି ଦକ୍ଷତା ହାସଲ କରିବା ପାଇଁ କିଛି ବର୍ଷ ଲାଗିବ। କିନ୍ତୁ ଯଦି ଚାଇନାର ଦାବି ସଠିକ, ଏହାର ଅର୍ଥ ହେଉଛି ଏହି ବିପଦ ବର୍ତ୍ତମାନ ସମଗ୍ର ବିଶ୍ୱରେ ବୃଦ୍ଧି ପାଇବାରେ ଲାଗିଛି। ଏହି ଦାବି ବିଷୟରେ ଏକ ବିସ୍ତୃତ ରିପୋର୍ଟ ବ୍ରିଟିଶ ଖବରକାଗଜ ଦ ଫାଇନାନସିଆଲ ଟାଇମ୍ସରେ ପ୍ରକାଶ ପାଇଛି।

ଏହି ରିପୋର୍ଟ ଅନୁଯାୟୀ, ଡିସେମ୍ବର ଶେଷରେ ଚାଇନାରେ ଏକ ବିଜ୍ଞାନ ଅନୁସନ୍ଧାନ କାଗଜ ପ୍ରକାଶ ପାଇଥିଲା। ଏଥିରେ ଆରଏସଏ ଆଲଗୋରିଦମ ଭଙ୍ଗାଯାଉଥିବା ପଦ୍ଧତି ବିଷୟରେ ଉଲ୍ଲେଖ କରାଯାଇଥିଲା। ଏହି କାର୍ଯ୍ୟ କେବଳ ୩୭୨ କ୍ୟୁବିଟସର କ୍ୱାଣ୍ଟମ କମ୍ପ୍ୟୁଟର ସହିତ କରାଯାଇପାରିବ। କ୍ୱାଣ୍ଟମ କମ୍ପ୍ୟୁଟିଂର ମୌଳିକ ଏକକ ହେଉଛି କ୍ୱାଣ୍ଟମ ବିଟସ, କୁବିଟସ୍‌ ଏହାର ସଂକ୍ଷିପ୍ତ ଶବ୍ଦ। ଦିଆଯାଇଥିବା ସୂଚନା ଅନୁଯାୟୀ ବିଭିନ୍ନ ଶିକ୍ଷାନୁଷ୍ଠାନ ଏବଂ ସରକାରୀ ଲାବୋରେଟୋରୀଗୁଡିକର ୨୪ ଗବେଷକ ଏହି ପଦ୍ଧତି ପ୍ରସ୍ତୁତ କରିବାରେ ଏକ ଭୂମିକା ଗ୍ରହଣ କରିଛନ୍ତି।