ପାଟଣା,୨୫ା୧୧(ବୀରକିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅଞ୍ଚଳରେ ମୁଖ୍ୟମନ୍ତ୍ରୀ ବସ୍ସେବା ସୋମବାର ସକାଳୁ ଠପ୍ ହୋଇଛି। ୩ ଦଫା ଦାବି ନେଇ ପାଟଣା ବ୍ଲକ ଅଞ୍ଚଳର ୫ଟି ମୁଖ୍ୟମନ୍ତ୍ରୀ ବସ୍ର ୧୨ ଜଣ ମହିଳା କଣ୍ଡକ୍ଟର ଆନ୍ଦୋଳନକୁ ଓହ୍ଲାଇଛନ୍ତି। ଫଳରେ ବ୍ଲକ ଉପାନ୍ତ ଅଞ୍ଚଳର ଯାତ୍ରୀମାନେ ଅନେକ ଅସୁବିଧାରେ ପଡ଼ିଛନ୍ତି।
୩ମାସ ହେଲା ଦରମା ପାଇ ନ ଥିବା, ନିଯୁକ୍ତିପତ୍ର ସହ ପରିଚୟପତ୍ର ପ୍ରଦାନ ଦାବିରେ ୧୨ମହିଳା କଣ୍ଡକ୍ଟର ଧାରଣାରେ ବସିଛନ୍ତି। ବସ୍ ମ୍ୟାନେଜର ମାନସ କୁମାର ସା ଚାକିରିରୁ ବାହାର କରିଦେବାର ଧମକ ଦେଉଥିବା ଆନ୍ଦୋଳନ ରତ ମହିଳାମାନେ କହିଛନ୍ତି। ଆନ୍ଦୋଳନ ଯୋଗୁ ଗ୍ରାମାଞ୍ଚଳ ଗମନାଗମନ ପ୍ରଭାବିତ ହୋଇଛି। ସରକାର ଓ ଅଧିକାରୀ ସେମାନଙ୍କ ଦାବି ପୂରଣ ନ କଲେ ବସ୍ କଣ୍ଡକ୍ଟର ମଧୁସ୍ମିତା ମହାନ୍ତ, ସଞ୍ଜୁଲତା ମହାନ୍ତ ପ୍ରମୁଖ ଧାରଣାରୁ ହଟିବେ ନାହିଁ ବୋଲି ଚେତାବନୀ ଦେଇଛନ୍ତି।