ମୁମ୍ବାଇ, ୩।୬: ୪୧ ବର୍ଷୀୟା ସ୍ତ୍ରୀଙ୍କୁ ଯୌନ ନିର୍ଯାତନା ଦେବା ସହ ୩ ଝିଅଙ୍କ ସହ ଘରେ ବନ୍ଦୀ କରି ରଖିଥିବା ଅଭିଯୋଗରେ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି। ମହାରାଷ୍ଟ୍ରର ସୋଲାପୁର ଜିଲାରୁ ଗୁରୁବାର ସାମ୍ନାକୁ ଆସିଛି ଏଭଳି ଘଟଣା।
ଅଭିଯୁକ୍ତ ସ୍ବାମୀ ନ ଥିବାବେଳେ ସ୍ତ୍ରୀ ବାଲ୍କୋନିରୁ ସାହାଯ୍ୟ ପାଇଁ ଚିଠି ଫୋପାଡ଼ିଥିଲେ, ଯାହାକୁ ପାଇଥିଲେ ସ୍ଥାନୀୟ ମହିଳା। ଏ ସମ୍ପର୍କରେ ଜାଣିବା ପରେ ପୋଲିସ ଘର ଉପରେ ଚଢ଼ାଉ କରି ମହିଳା ଓ ତାଙ୍କ ୩ ଝିଅଙ୍କୁ ଉଦ୍ଧାର କରିଛି। ୩୭୬ ଦଫା (ବଳାତ୍କାର) ଓ ବଳପୂର୍ବକ ଅଟକ ରଖିବା ଭଳି ମାମଲା ରୁଜୁ କରି ଅଭିଯୁକ୍ତ ସ୍ବାମୀଙ୍କୁ ଗିରଫ କରାଯାଇଥିବା ପୋଲିସ ପକ୍ଷରୁ କୁହାଯାଇଛି।
ପୁଅ ନ ହେବାରୁ ଦେଢ଼ ବର୍ଷ ହେଲା ପୀଡ଼ିତାଙ୍କୁ ବଳପୂର୍ବକ ଘରେ ବନ୍ଦୀ ପ୍ରାୟ ରଖିଥିଲେ। ସ୍ବାମୀ ଯୌନ ନିର୍ଯାତନା ଦେବା ସହ ବହୁବାର ଗର୍ଭପାତ କରାଇଥିବା ମହିଳା ଜଣକ ଅଭିଯୋଗରେ ଦର୍ଶାଇଛନ୍ତି।