ଅହମଦାବାଦ, ୭ା୩ (ପି.ଟି.)- ଭାରତର ପୂର୍ବତନ ଅଧିନାୟକ ସୁନୀଲ ଗାଭାସ୍କରଙ୍କ ଟେଷ୍ଟ ପଦାର୍ପଣର ୫୦ତମ ବାର୍ଷିକ ପୂର୍ତ୍ତି ଅବସରରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ତରଫରୁ ଶନିବାର ତାଙ୍କୁ ସମ୍ବର୍ଦ୍ଧିତ କରାଯାଇଛି। ଏହି ବ୍ୟାଟିଂ କିମ୍ବଦନ୍ତୀ ଏବଂ ତାଙ୍କ ତତ୍କାଳୀନ ସାଥୀ ଖେଳାଳିମାନେ କ୍ରିକେଟକୁ ଶକ୍ତିଶାଳୀ କରିବାରେ ମୁଖ୍ୟ ଭୂମିକା ଗ୍ରହଣ କରିଥିଲେ। ସ୍ଥାନୀୟ ନରେନ୍ଦ୍ର ମୋଦି ଷ୍ଟାଡିୟମରେ ଭାରତ ଓ ଇଂଲଣ୍ଡ ଚତୁର୍ଥ ତଥା ଫାଇନାଲ ଟେଷ୍ଟର ତୃତୀୟ ଦିବସ ଖେଳ ମଧ୍ୟାହ୍ନ ଭୋଜନ ବିରତ ସମୟରେ ଏହି ୭୧ବର୍ଷୀୟ ପୂର୍ବତନ ଅଧିନାୟକ ବିସିସିଆଇ ସମ୍ପାଦକ ଜୟ ଶାହାଙ୍କଠାରୁ ଏକ ସ୍ମାରକୀ ଟେଷ୍ଟ କ୍ୟାପ୍ ଗ୍ରହଣ କରିଥିଲେ। ମୁଖ୍ୟ କୋଚ୍ ରବି ଶାସ୍ତ୍ରୀ କହିଛନ୍ତି, ଗାଭାସ୍କର କେବଳ ଜଣେ ବିଶ୍ୱ ଶ୍ରେଣୀୟ ଓପନର ନ ଥିଲେ ଖେଳର ଜଣେ ମହାନ ଆମ୍ବାସାଡର ଭାବେ କାର୍ଯ୍ୟକରୁଛନ୍ତି।