କୁତ୍ରା,୧।୧(ଡି.ଏନ.ଏ): ସୁନ୍ଦରଗଡ଼ ଜିଲା କୁତ୍ରା ବ୍ଲକ କାର୍ଯ୍ୟାଳୟରେ ୧୬ ବର୍ଷ ଓଡ଼ିଶା ବାଳିକା ହକି ଖେଳାଳିଙ୍କୁ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି। ମାଲେସିଆରେ ଗତ ନଭେମ୍ବର ୨୬ରୁ ଡିସେମ୍ବର ୩ ପର୍ଯ୍ୟନ୍ତ ଅନୁଷ୍ଠିତ ହୋଇଥିବା ୧୬ବର୍ଷ ବାଳିକା ହକି ମିରନ ୱାନ କପରେ ଓଡ଼ିଶା ଦଳ ଭାଗ ନେଇ ୫-୦ ଗୋଳରେ ବିଜୟ ହୋଇଥିଲେ। ଏଥିରେ କୁତ୍ରା ବ୍ଲକର ୫ ଜଣ ଖେଳାଳି ଖେଳିଥିଲେ ଏବଂ ପୁଣିଥରେ ସୁନ୍ଦରଗଡ଼ ପାଇଁ ଗୌରବ ଆଣି ଦେଇଛନ୍ତି। ଓଡ଼ିଶା ଦଳ ସମୁଦାୟ ୫ଟି ମ୍ୟାଚ ଖେଳିଥିବା ବେଳେ ଫାଇନାଲ ଖେଳ ଏସଏସଟିଏମଆଇ ସହିତ ଓଡିଶା ଦଳର ଖେଳ ହୋଇଥିଲା। ଏଥିରେ ୫-୦ ଗୋଲରେ ଓଡିଶା ବିଜୟ ଲାଭ କରି ରାଜ୍ୟ ନା ରଖିଛନ୍ତି। ଏଥି ପାଇଁ ଏହି ୫ଜଣ ଖେଳାଳିଙ୍କୁ ବ୍ଲକ ପ୍ରଶାସନ ପକ୍ଷରୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି। ଏଥିରେ ବିଡ଼ିଓ ରବିନ୍ଦ୍ର ସେଠି, ଜିପିଓ ନଗେନ୍ଦ୍ର ଦାସଙ୍କ ସହିତ ଅନ୍ୟାନ୍ୟ କର୍ମଚାରୀ ଉପସ୍ଥିତ ଥିଲେ।