ନୂଆଦିଲ୍ଲୀ,୪।୪: ଚାଇନା ଦ୍ୱାରା ଅରୁଣାଚଳ ପ୍ରଦେଶର କିଛି ସ୍ଥାନର ନାମ ରଖାଯିବା ପରେ ଏବେ କେନ୍ଦ୍ର ସରକାର ଓ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରିଛି କଂଗ୍ରେସ। କଂଗ୍ରେସ କହିଛି କି ଚାଇନାକୁ ପ୍ରଧାନମନ୍ତ୍ରୀ ମୋଦିଙ୍କ ଦ୍ୱାରା କ୍ଲିନ ଚିଟ ଦିଆଯାଇଥିଲା। ଚାଇନାର ଏଭଳି କାର୍ଯ୍ୟକଳାପକୁ ନେଇ ପ୍ରଧାନମନ୍ତ୍ରୀ ଚୁପ ରହିବାକୁ ନେଇ ବି କଂଗ୍ରେସ ପ୍ରଶ୍ନ ଉଠାଇଛି। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ କହିଛନ୍ତି କି ପ୍ରଧାନମନ୍ତ୍ରୀ ମୋଦିଙ୍କ ଦ୍ୱାରା ଚାଇନାକୁ କ୍ଲିନ ଚିଟ ଦିଆଯିବାର ପରିଣାମ ଭୋଗୁଛି ଦେଶ।
କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ ତାଙ୍କ ଟୁଇଟରେ ଲେଖିଛନ୍ତି କି ‘ତୃତୀୟ ଥର ଚାଇନା ଦୁଃସାହସ କରି ଅରୁଣାଚଳ ପ୍ରଦେଶରେ ଆମ ଅଞ୍ଚଳର ନାମକରଣ କରିଛି। ୨୧ ଏପ୍ରିଲ ୨୦୧୭ରେ ୬ଟି ସ୍ଥାନ, ୩୦ ଡିସେମ୍ବର ୨୦୨୧ରେ ୧୫ଟି ସ୍ଥାନ ଓ ୩ ଏପ୍ରିଲ ୨୦୨୩ରେ ୧୧ ସ୍ଥାନର ନାମ ରଖିଛି ଚାଇନା। ଅରୁଣାଚଳ ପ୍ରଦେଶ ଭାରତର ଅଭିନ୍ନ ଅଙ୍ଗ। ଗଲଓ୍ବାନ ଘଟଣା ପରେ ପ୍ରଧାନମନ୍ତ୍ରୀ ମୋଦି ଚାଇନାକୁ ଯେଉଁ କ୍ଲିନ ଚିଟ ଦେଇଥିଲେ ଏବେ ତା’ର ପରିଣାମ ଦେଶ ଭୋଗୁଛି।